Варзишгарони шиновари Тоҷикистон барои иштирок дар Олимпиадаи Париж-2024 омодагӣ мегиранд
ДУШАНБЕ, 12.04.2023. /АМИТ «Ховар»/. Варзишгарони шиновари тоҷик барои иштирок дар Олимпиадаи Париж-2024 омодагӣ мегиранд, хабар медиҳад АМИТ «Ховар» бо истинод ба маркази матбуоти Вазорати корҳои дохилии Ҷумҳурии Тоҷикистон.
8 апрели соли равон Вазири корҳои дохилии мамлакат Рамазон Раҳимзода, ки ҳамзамон Раиси Федератсияи миллии шиноварии Ҷумҳурии Тоҷикистон мебошад, бо мураббиёни мактабҳои варзиши шиноварии Ҷумҳурии Тоҷикистонро мулоқот намуд.
Зимни вохӯрӣ Вазири корҳои дохилӣ мураббиёнро барои такмил додани маҳорату малакаи касбии варзишгарони шиновар ва дар сатҳи баланд омода намудани онҳо ҷиҳати иштирок дар Олимпиадаи Париж-2024, инчунин дигар мусобиқаҳои дарпешистодаи сатҳи ҷумҳуриявӣ ва байналмилалӣ ҳидоят намуд.
Изҳори итминон карда шуд, ки варзишгарони шиновари Тоҷикистон дар мусобиқаҳои сатҳи ҷаҳонӣ маҳорати баланд нишон дода, ба гирифтани мақомҳои ифтихорӣ сазовор гашта, номбардори Ватан мегарданд.
Ёдовар мешавем, ки Бозиҳои олимпӣ дар Париж аз 26 июл то 11 августи соли 2024 баргузор мешаванд. Соли гузашта Кумитаи иҷроияи Кумитаи байналмилалии олимпӣ меъёрҳои тахассусии Бозиҳои тобистонаи олимпии соли 2024 дар Париж, шакли баргузории мусобиқот ва ҷадвали пешакии онҳоро тасдиқ кард.
Аз ҷумла, Федератсияи байналмилалии шиноварӣ шартҳо ва стандартҳои марҳилаи интихобии Бозиҳои олимпии Париж-2024-ро тасдиқ намуд. Шиноварон барои дарёфти роҳхатҳои олимпӣ аз 1 марти соли 2023 то 23 июни соли 2024 мубориза мебаранд.
Дар баъзе барномаҳо стандартҳо то андозае мураккабтар шудаанд. Агар барои дарёфти роҳхат ба «Токио-2020» меъёри шиноварӣ ба масофаи 50 метр барои мардон 22,01 сония буд, пас шиноварон ин дафъа бояд ин масофаро дар 21,96 сония тай кунанд.
Рухсораи НУР,
АМИТ «Ховар»
АКС: Маркази матбуоти Вазорати корҳои дохилии Ҷумҳурии Тоҷикистон
ФУТБОЛ. Дар бозии аввали дастаҳои «Парвоз» ва «Панҷшер» ғолиб муайян нашуд
ЧЕМПИОНАТИ ОСИЁ. Варзишгари ҷавони тоҷик Меҳрон Шафиев бар муштзани қирғиз ғолиб омад
Дастаҳои футболи «Истиқлол»-и Тоҷикистон ва «Сипоҳон»-и Эрон бо ҳам бозӣ карданд
«ҶОМИ ПЕШВОИ МИЛЛАТ». Дар Душанбе марҳилаи ниҳоии мусобиқаи ҷумҳуриявии шоҳмот оғоз ёфт
Дар Душанбе бо мақсади тарғиби тарзи ҳаёти солим дав баргузор гардид
ФУТБОЛ. Пагоҳ «Истиқлол»-и Тоҷикистон бо «Сипоҳон»-и Эрон бозӣ мекунад
«Ҳулбук»-и ноҳияи Восеъ байни дастаҳои Лигаи якум чемпиони Тоҷикистон гардид
Дар шаҳри Душанбе мусобиқаи «Дави дӯстӣ» баргузор гардид
Дастаи мунтахаби Тоҷикистон оид ба футбол дар раддабандии нави ФИФА мавқеашро беҳтар намуд
ЛИГАИ ОЛИИ ТОҶИКИСТОН. «Панҷшер» дар сафар дастаи футболи «Регар-ТадАЗ»-и шаҳри Турсунзодаро мағлуб намуд
ФУТБОЛ. Доварони Тоҷикистон бозиҳои дӯстонаи дастаҳои мунтахаби занонаи Русия ва Озарбойҷонро доварӣ мекунанд
9 варзишгари Тоҷикистон дар Чемпионати Осиё оид ба бокс иштирок мекунанд
