Ҳайати Тоҷикистон дар иҷлосияи Ассамблеяи генералии Созмони умумиҷаҳонии солимии ҳайвонот иштирок дорад
ДУШАНБЕ, 24.05.2023 /АМИТ «Ховар»/. 22 май дар Фаронса дар ҳошияи баргузории иҷлосияи 90-уми Ассамблеяи генералии Созмони умумиҷаҳонии солимии ҳайвонот вохӯрии Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода бо Директори генералии Созмони умумиҷаҳонии солимии ҳайвонот Моник Элуа баргузор гардид. Дар ин хусус ба АМИТ «Ховар» дар Кумитаи бехатарии озуқаворӣ хабар доданд.
Дар вохӯрӣ якчанд масоили ба соҳаи байтории Ҷумҳурии Тоҷикистон алоқаманд баррасӣ карда шуд. Ҳамзамон гуфта шуд, ки ҷонибҳо минбаъд низ ҳамкориро дар сатҳи баланд ба роҳ монда, барои боз ҳам беҳтар намудани вазъи солимии ҳайвонот дар Ҷумҳурии Тоҷикистон аз ҳама имконоти мавҷуда самаранок истифода менамоянд.
Ёдовар мешавем, ки ҳайати Тоҷикистон шуруъ аз 21 май дар иҷлосияи 90-уми Ассамблеяи генералии Созмони умумиҷаҳонии солимии ҳайвонот (МЭБ) (OIE), ки дар шаҳри Парижи Ҷумҳурии Фаронса баргузор гардид, иштирок дорад. Дар ин ҷаласа намояндагони 178 мамлакати ҷаҳон иштирок доранд.
Созмони умумиҷаҳонии солимии ҳайвонот соли 1924 дар шаҳри Париж таъсис шуда, дар айни замон 178 давлати ҷаҳон, аз ҷумла Тоҷикистон (аз соли 1993) аъзои он мебошанд.
Ёдовар мешавем, ки ҷаласаи Ассамблеяи генералии Созмони умумиҷаҳонии солимии ҳайвонот то 25 май идома меёбад.
АКС: Кумитаи бехатарии озуқавории назди Ҳукумати Ҷумҳурии Тоҷикистон
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
НИШАСТИ МАТБУОТӢ. 178 нархномаи хизматрасонии пулакии муассисаю ташкилоти давлатӣ ва ғайридавлатӣ ба мувофиқа расонида шуд
Вазирони энергетика ва хоҷагиҳои оби Тоҷикистон, Узбекистон ва Қазоқистон бо фаъолияти пойгоҳҳои обкашии мамлакат шинос шуданд
Моҳи сентябр таҷдиди Неругоҳи барқи обии «Қайроқум» пурра ба итмом мерасад
Рейтинги кредитии соҳибихтиёрии Тоҷикистон дар сатҳи «B» бо дурнамои «устувор» тасдиқ шуд
Дар корхонаҳои саноатии ноҳияи Мастчоҳ ба маблағи беш аз 113 миллион сомонӣ маҳсулот истеҳсол карда шудааст
Дар шашмоҳаи якуми соли 2025 ба низоми бонкии Тоҷикистон 3 миллиард доллари ИМА сармояи хориҷӣ ҷалб карда шуд
EXPO-2025. Ҳамарӯза гӯшаи Тоҷикистонро 25 ҳазор нафар тамошо менамоянд
