COVID-19. Созмони умумиҷаҳонии тандурустӣ аз анҷом ёфтани пандемияи коронавирус хабар дод

ДУШАНБЕ, 06.05.2023 /АМИТ «Ховар»/. Созмони умумиҷаҳонии тандурустӣ (СУТ) мақоми пандемияи COVID-19-ро бекор кард. Дар ин бора АМИТ «Ховар» бо истинод ба АБИ «Казинформ» хабар медиҳад.

«Зиёда аз як сол аст, ки пандемия тамоюл ба камшавӣ дорад: масунияти аҳолӣ ба сироятҳо афзоиш ёфта, фавт коҳиш меёбад ва фишор ба низоми тандурустӣ пасттар мешавад. Ин ба аксари давлатҳо имкон дод, ки ба ҳаёт баргарданд, тавре ки мо онҳоро пеш аз сирояти коронавирус медонистем, аз ин рӯ ман умедворам, ки метавонам анҷоми пандемияро эълон кунам»,- иброз дошт Директори генералии Созмони умумиҷаҳонии тандурустӣ Тедрос Гебрейесус дар нишасти матбуотӣ дар Женева.

 Ёдовар мешавем, ки COVID-19, ки бар асари паҳншавии коронавируси SARS-CoV-2 ба вуҷуд омад, 30 январи соли 2020 дар соҳаи тандурустӣ дар сатҳи байналмилалӣ расман вазъи фавқулода эълон шуд ва 11 март мақоми пандемияи ҳолати фавқулодаро гирифт.

Вирус 114 кишвари ҷаҳонро фаро гирифт. Аз оғози пандемия дар саросари ҷаҳон 20 миллион нафар фавтид.

АКС аз манбаъҳои боз