Дар Душанбе бо мақсади беҳтаршавии сифати хизматрасонии нақлиёти мусофирбари пойтахт вохӯрии гурӯҳи корӣ доир гардид
ДУШАНБЕ, 26.05.2023. /АМИТ «Ховар»/. 24 май бо иштироки роҳбарияти шаҳри Душанбе ва масъулини сохтору бахши техникии корхонаҳои нақлиёти мусофирбари шаҳри Душанбе бо мақсади хубтару беҳтар ба роҳ мондани сатҳу сифати хизматрасонии нақлиёт дар пойтахт, ҳамзамон пурзўр намудани назорати раванди фаъолияти ронандагон дар шабакаи хатҳои сайр ва бехатарии ҳаракат дар роҳ ҷаласаи корӣ доир шуд. Дар ин хусус ба АМИТ «Ховар» дар МДК «Душанбенақлиётхадамотрасон» хабар доданд.
Таъкид карда шуд, ки бо фаро расидани фасли гармо масъулини соҳаи нақлиёти мусофирбарии пойтахтро мебояд, ки баҳри хизматрасонии сатҳи баланд, қабл аз ҳама ба ҳолати техникии воситаҳои нақлиёти ба хатҳои сайр сафарбаргардида диққати авалиндараҷа дода, назорати фаъолияти ронандагонро дар шабакаи хатҳои сайр пурзўр намоянд.
Дар вохӯрӣ вобаста ба риоя нагардидани пўшидани либоси ягонаи расмӣ аз ҷониби ронандагон ва инчунин зимни фаъолияти мусофирбарӣ бо телефони мобилӣ гуфтугу намудани онҳо изҳори нигаронӣ карда шуд. Дар ин замина ба роҳбарони ниҳодҳои дахлдор ва кормандони масъули корхонаҳои нақлиётӣ баҳри бартараф намудани камбудиҳои ҷойдошта дастуру супоришҳои мушаххас дода шуд.
Инчунин гуфта шуд, ки пеш аз ба хати сайр сафарбар намудани воситаҳои нақлиёт, кормандони масъули корхонаҳои нақлиётӣ бояд ба ҳолати техникӣ ва тозагии воситаҳои нақлиёт диққати авалиндараҷа дода, доир ба риояи ҳатмии қоидаҳои бехатарии ҳаракат дар роҳ бо ронандагон пайваста корҳои фаҳмондадиҳиро ба роҳ монанд.
Дар фарҷоми ҷаласа таъкид шуд, ки баҳри пешрафти соҳаи нақлиёти мусофирбарӣ дар пойтахт дар баробари дигар соҳаҳои ҳаётан муҳим мо, кормандони ин соҳаро мебояд аз ҳарвақта дида, дар ин самт заҳмат кашида, ба сокинону меҳмонони пойтахт дар сатҳи баланд хизмат расонда, саҳми босазои худро дар рушду нумуи мамлакат, бахусус шаҳри Душанбе гузорем.
АКС: МДК «Душанбенақлиётхадамотрасон»
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
