Дар Ховалинг кишти картошка идома дошта, асосан тухмии беларусӣ кошта мешавад
ХОВАЛИНГ, 28.05.2023 /АМИТ «Ховар»/. Бо мақсади саҳм гузоштан дар таъмини амнияти озуқавории ҷумҳурӣ ва таъмини аҳолӣ бо маҳсулоти хушсифати аз ҷиҳати экологӣ тоза дар ноҳияи Ховалинг бо истифода аз техникаи кишоварзию тухмии хушсифати ба шароити иқлими минтақа мутобиқ кишти картошка идома дорад, хабар медиҳад мухбири минтақавии АМИТ «Ховар» Сулаймон Холзода.
Дар баробари дигар кооперативҳои тиҷоратӣ ва хоҷагиҳои деҳқонӣ Муассисаи давлатии хоҷагии ҷангали ба номи «Сайдаҳмад Каримов» ба кишти ин намуди маҳсулот оғоз намудааст. Тухмии картошкаро Вазорати кишоварзии Ҷумҳурии Тоҷикистон дастрас намудааст, ки навъи галла буда, аз Ҷумҳурии Беларус харидорӣ шудааст. Кормандони муассиса бо тавсияи мутахассисон ва риояи қоидаҳои агротехникӣ дар ин мавзеъ дар майдони ду гектар картошка мекоранд.
Иқлими ноҳияи Ховалинг барои картошкакорӣ мувофиқ буда, дар ҳолати сари вақт таъмин намудани оби полезӣ ҳосили фаровон ба даст меояд. Солҳои пешин дар ин ҷо аз навъҳои дигари картошка истифода мекарданд ва имсол навъи галларо, ки дар Беларус беш аз 600-сентнерӣ ҳосил медиҳад, кишт менамоянд.
Мутахассисон бар ин ақида ҳастанд, ки бо мусоид омадани обу ҳаво кишоварзон имкон доранд аз 600-сентнерӣ ҳам зиёдтар ҳосил ҷамъоварӣ намоянд. Дар дигар хоҷагиҳои ҷамоатҳо ҳам кишти картошка вусъати тоза касб мекунад.
Тавре муовини раиси ноҳияи Ховалинг Саймуъмин Рауфзода иттилоъ дод, «баҳри осон гардидани кори деҳқон ва сари вақт гузаронидани кишту риояи қоидаҳои агротехникӣ Ҳукумати Ҷумҳурии Тоҷикистон ва Вазорати кишоварзии Ҷумҳурии Тоҷикистон хоҷагиҳоро бо техникаҳои кишоварзӣ таъмин намуда, ҳамасола тухмиҳои хушсифатро дастрас ва ба хоҷагидорон пешниҳод менамоянд. Таъмиру барқарорсозии иншооти обрасонӣ ва чоҳҳои амудӣ аз ҷониби Идораи беҳдошти замин ва обёрӣ дастрасии кишоварзонро ба оби полезӣ осонтар гардонидааст. Аз ин рӯ ҳавасмандиашон ба кишту парвариши сабзавоту полезӣ афзудааст».
Дар ноҳияи Ховалинг вобаста ба мавқеи ҷойгиршавӣ ва иқлим кишти картошка то нимаи дуюми моҳи июн идома ёфта, дар баъзе мавзеъҳо ҷамъоварии картошка аз ҳамин вақт оғоз мегардад.
АКС: АМИТ «Ховар»
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
