«ГАНҶ МАГИР, КИТОБ ГИР». Дар шаҳри Душанбе намоиш-фурӯши китобҳои бачагона оғоз ёфт

Май 30, 2023 11:06

ДУШАНБЕ, 30.05.2023. /АМИТ «Ховар»/. Имрӯз бахшида ба Рӯзи байналмилалии ҳифзи кӯдакон аз ҷониби Ташкилоти ҷамъиятии байналмилалии «Истиқбол» дар саҳни маҷмааи «Шарқи Озод» намоиш — фурӯши 160 номгӯй китобҳои рангаи бачагона бо тахфифи 50-фоиза оғоз ёфт,  хабар медиҳад мухбири АМИТ «Ховар».

Ҳадаф аз баргузории намоиш- ҷалби насли наврас ба мутолиаи китоб, ташаккули беҳтарин малакаи хониш, баланд бардоштани сатҳи фарҳанги иттилоотии кӯдакон ва ба ин васила дар замири онҳо тарбия намудани ҳисси ифтихори миллӣ, ватандӯстиву худогоҳӣ, гиромидошти арзишҳои милливу умумибашарӣ ва тарғиби тарзи ҳаёти солим мебошад.

Дар намоиши мазкур адибону олимон, дӯстдорони китобу толибилмон иштирок намуда, дар бораи аҳамияти китобу китобхонӣ изҳори назар карданд.

Таъкид карда шуд, ки баргузории чунин намоишҳо баҳри баланд бардоштани қадру манзалати китоб дар ҷомеа, ҷалби насли наврас ба мутолиаи китоб, арҷгузорӣ ба мероси ниёгон ва шиносоӣ бо китобҳои тозанашри адибони муосир заминаи воқеӣ мегузорад.

Иштирокчиён изҳор доштанд, ки китобҳои бадеӣ омӯзгорони бемузду беминнате ҳастанд, ки инсонҳоро аз ҷиҳати ахлоқӣ тарбия мекунанд, барои шинохти мавқеи худ дар ҷомеа роҳнамо мешаванд, дар шинохти нек аз бад кумак мерасонанд, худшиносии миллиро таҳким мебахшанд ва ҳифзи арзишҳои миллиро бо беҳтарин навъ талқин менамоянд.

Дар ин маъракаи фарҳангӣ дар баробари хариди китоб ҳамзамон хонандагон имкон пайдо мекунанд, ки бо шоирону нависандагони маҳбуб ва шинохтаи тоҷик ҳамсуҳбат гардида, аз онҳо соядаст бигиранд.

АКС: АМИТ «Ховар»

Май 30, 2023 11:06

Хабарҳои дигари ин бахш

Имрӯз Намоиши 11-уми байналмилалии «Китоби Душанбе» баргузор гардид
Роҳбарияти Вазорати фарҳанг бо корҳои анҷомёфта дар ёдгории таърихӣ-фарҳангии шаҳристони Тахти Сангин шинос гардид
Дар Душанбе вобаста ба хусусияти экологии гуногунии биологӣ конференсияи байналмилалӣ доир мешавад
СУРАТГУЗОРИШ. Осорхонаи миллии Тоҷикистон барои баргузории Намоишгоҳи 11-уми байналмилалии «Китоби Душанбе» омода мебошад
Пагоҳ Намоишгоҳи 11-уми байналмилалии «Китоби Душанбе» оғоз меёбад
ФАЪОЛИЯТИ БИБЛИОГРАФӢ ДАР КИТОБХОНАҲО. Вобаста ба он дар китобхонаҳои Рашт ва Лахш омӯзишҳо баргузор шуданд
«СОЛИ 2025-СОЛИ БАЙНАЛМИЛАЛИИ ҲИФЗИ ПИРЯХҲО». Ба ин муносибат филми мустанад — «Пиряхҳои Тоҷикистон» таҳия мегардад
«КИТОБИ ДУШАНБЕ». Дар Осорхонаи миллии Тоҷикистон Намоишгоҳи 11-уми байналмилалӣ доир мегардад
Сайри ёдгориҳои Қалъаи Кӯҳи Муғ, Қалъаи Қум ва Гардани Ҳисор таваҷҷуҳи сайёҳону меҳмононро дар бораи таърихи тоҷикон меафзояд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи Мавлоно Ҷалолиддини Балхӣ
Дар Қубодиён дар мавзуи «Эҳёи таъриху фарҳанги бостонӣ дар Ҷумҳурии Тоҷикистон» ҷаласаи Шурои ҷамъиятии Тоҷикистон баргузор шуд
БАХШИДА БА РӮЗИ МАВЛОНО. Забони тоҷикӣ дар ашъори Ҷалолиддини Балхӣ шаҳомат ва таҷаллии баланд дорад