Ифлосшавии пластикиро то соли 2040 метавон 80% кам кард

Май 21, 2023 12:00

ДУШАНБЕ, 21.05.2023 /АМИТ «Ховар»/. Бо истифода аз технологияҳои мавҷуда то соли 2040 ифлосшавии пластикиро 80 ​​фоиз кам кардан мумкин аст. Барои ин бояд дар сиёсат дигаргуниҳои амиқ ба амал оварда шавад ва дар ин кор ҳам давлат ва ҳам бахши хусусӣ саъй кунад. Ба чунин хулоса омаданд муаллифони пажӯҳиши нави Барномаи Созмони Милали Муттаҳид оид ба муҳити зист (UNEP). Тавре  АМИТ «Ховар» иттилоъ медиҳад, дар ин хусус АБИ «Казинформ» бо истинод ба хабаргузории СММ хабар додааст.

Ин гузориш дар арафаи даври дуюми музокирот дар Париж нашр шудааст, ки ба созишномаи ҷаҳонии мубориза бо ифлосшавии пластикӣ бахшида мешавад. Ҳуҷҷат ҳаҷм ва хусусияти тағйиротро, ки барои қатъи ифлосшавии пластикӣ ва эҷоди модели иқтисодии давраи сарбаста зарур аст, тавсиф мекунад.

Ивазкунии пурраи чунин маҳсулот, аз қабили бастаҳои пластикӣ, халтаҳо ва баста барои баровардани хӯрокворӣ, маҳсулоти аз маводи алтернативӣ сохташуда (коғаз ё маводи нишонадор) барои ба таври иловагӣ 17 фоиз коҳиш додани ҳаҷми ифлосшавии пластикӣ мусоидат мекунад.

Ҳатто бо назардошти чораҳои дар боло гуфташуда, то соли 2040 безараргардонии солонаи 100 миллион тоннаи метрии пластмасс, ки аз молҳои якдафъаина ва кӯтоҳмуддат иборат аст, инчунин мероси назарраси ифлосшавии пластикии аллакай мавҷуда талаб карда мешавад. Барои ҳалли ин мушкилот бояд стандартҳои бехатарӣ ҷиҳати истифодаи партовҳои пластикие, ки коркарди дубора намешаванд, муқаррар гардад. Ғайр аз ин, тавре ки муаллифони гузориш ишора мекунанд, истеҳсолкунандагон бояд масъули баланд дошта бошанд, махсусан барои он ки маҳсулоти онҳо дорои микрозарраҳои пластикӣ мебошад.

Азиза ИКРОМ,
АМИТ «Ховар»

АКС: АБИ «Казинформ»

Май 21, 2023 12:00

Хабарҳои дигари ин бахш

Меҳргон иди ҷамъбасти тобистону тирамоҳ ва оғози фасли зимистон аст
Маркази барномаҳои байналмилалӣ қабули ҳуҷҷатҳоро ба муассисаҳои олии Ҷумҳурии Маҷористон оғоз намуд
«МегаФон Тоҷикистон». Пешсафони дигаргуниҳо
Имрӯз дар водиҳои Тоҷикистон ҳаво то 29 дараҷа гарм мешавад
БАРНОМАИ КАБУДИЗОРКУНӢ. Аз ҷониби Агентии хоҷагии ҷангал дар Тоҷикистон 102 ҳазор бех ниҳол шинонида шуд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар водиҳои Тоҷикистон ҳаво то 33 дараҷа гарм мешавад
«МегаФон Тоҷикистон»: Русия ва Тоҷикистон ҳамкориро дар соҳаи рақамикунонӣ тақвият мебахшанд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид