Намояндагони Тоҷикистон аз ҷониби Президенти Туркия бо мукофотҳои давлатӣ сарфароз шуданд
ДУШАНБЕ, 02.05.2023 /АМИТ «Ховар»/. Намояндагони Ҷумҳурии Тоҷикистон барои иштирок дар бартарафсозии пайомадҳои заминларзаҳои 6 феврали соли 2023 ва саҳмгузорӣ дар расонидани кумаки башардӯстона аз ҷониби Президенти Туркия бо мукофотҳои давлатӣ сарфароз гардиданд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Сафири Тоҷикистон дар Туркия Ашрафҷон Гулов ва муовини Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-майор Сулаймон Исозода дар маросими тақдими медал ва ордени президентӣ «Барои хизмати шоистаи башардӯстона» ба намояндагони кишварҳое, ки дар бартарафсозии пайомадҳои заминларзаҳои 6 феврали соли равон ва расонидани кумакҳои башардӯстона саҳм гузоштаанд, иштирок намуданд.
Ёдовар мешавем, ки наҷотдиҳандагони Ҷумҳурии Тоҷикистон аз 10 то 22 феврали соли 2023 дар Ҷумҳурии Туркия қарор дошта, дар корҳои ҷустуҷӯ ва наҷоти осебдидагони зилзила иштирок намуданд.
Дар ин муддат ба онҳо муяссар гардид, ки баъди 5 рӯзи заминларза аз зери харобаҳо як мардро бо тифли шашмоҳааш зинда берун оранд. Ҳамчунин баъди 144 соати заминларза онҳо кӯдаки 3-соларо аз зери харобаҳо зинда наҷот доданд.
Дар ин муддат аз зери харобаҳои зилзила ҷасади 217 нафарро берун оварда, ба мақомоти дахлдор супурданд.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон дар Фаронса бо дабири кулли Бюрои байналмилалии намоишгоҳҳо мулоқот намуд
Намояндаи доимии Тоҷикистон бо Мудири кулли Созмони байналмилалии муҳоҷират мулоқот намуд
Ҳамкорӣ байни муассисаҳои таҳсилоти олии Тоҷикистон ва Донишгоҳи Мустақбал баррасӣ шуд
Намояндагони Сафорати Тоҷикистон бо роҳбарияти Донишгоҳи давлатии идоракунии Русия мулоқот анҷом доданд
Дар Анқара аҳамияти афзоиши гардиши мол ва ҷалби сармоя байни Тоҷикистон ва Туркия баррасӣ гардид
Намояндаи Тоҷикистон дар ҷаласаи 88-уми Кумитаи нақлиёти дохилии Комиссияи иқтисодии СММ барои Аврупо иштирок намуд
Таҳкими шарикӣ байни бахшҳои хусусии Тоҷикистон ва минтақаи Қасими Арабистони Саудӣ баррасӣ шуд
Тоҷикистон ва Австрия нақшаи ҳамкориро барои соли 2026 мавриди баррасӣ қарор доданд
Ҳамкорӣ байни Тоҷикистон ва ЮНИСЕФ дар доираи барномаҳои афзалиятнок баррасӣ гардид
Сафири Тоҷикистон бо директори генералии Созмони умумиҷаҳонии савдо мулоқот намуд
Дар Вена ҳамкории иқтисодии Тоҷикистон бо сохторҳои марбутаи Австрия баррасӣ шуд
Сироҷиддин Муҳриддин бо сафири навтаъйини Италия дар Тоҷикистон мулоқот намуд
