Пешбурд ва тақвияти «Дипломатияи обии Тоҷикистон» ба манфиати тамоми башарият аст
ДУШАНБЕ, 13.05.2023 /АМИТ «Ховар»/. Тавре қаблан хабар додем, 11 май бо ибтикори Сафорати Ҷумҳурии Тоҷикистон дар Ҷумҳурии Туркия дар ҳошияи солгарди 31-уми барқарор шудани муносибатҳои дипломатии байнидавлатӣ дар Институти афкори стратегии Туркия дар мавзуи «Дипломатияи обии Тоҷикистон» ҳамоиш баргузор гардид.
Дар ҳамоиш директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода дар мавзуи «Нақши ташаббусҳои глобалии Пешвои миллат дар ҳалли масъалаҳои марбут ба об ва тағйироти иқлим» ба таври маҷозӣ (онлайнӣ) суханронӣ намуд.
Иброз гардид, ки воқеияти ҷаҳони муосир ва афзоиши мушкилоти вобаста ба обу тағйири иқлим собит намуда истодааст, ки масъалаи дастрасӣ ба об ва идоракунии самараноки муҳити солими ҳаётгузаронии башарият дар даҳсолаи оянда ба мушкилоти зиёде рӯ ба рӯ аст. Тайи ду даҳсолаи охир мамлакати мо бо сарварии Президенти Тоҷикистон, Пешвои миллат муҳтарам Эмомалӣ Раҳмон муаллифи чор ташаббуси бузурге гардид, ки дар сатҳи ҷаҳонӣ амалӣ шуда истодаанд: «Соли байналмилалии оби тоза, 2003», Даҳсолаи байналмилалии амалиёт «Об барои ҳаёт, 2005-2015», «Соли байналмилалии ҳамкорӣ дар соҳаи об, 2013» ва эълони Даҳсолаи байналмилалии амал «Об барои рушди устувор, 2018-2028», ки 21 декабри соли 2016 Маҷмаи Умумии СММ Қатъномаи A/RES/71/222-ро бо ҳаммуаллифии 177 кишвари аъзои СММ қабул намуд.
Ба гуфтаи Хайриддин Усмонзода, бо назардошти тағйирёбии иқлим ва обшавии пиряхҳо, ки манбаи асосии захираи оби ошомиданӣ дар сайёра мебошанд, ташаббуси дигари Президенти Ҷумҳурии Тоҷикистон, Пешвои миллат Эмомалӣ Раҳмон оид ба эълон намудани соли 2025 Соли байналмилалии ҳифзи пиряхҳо ва таъсиси Бунёди махсуси байналмилалии ҳифзи пиряхҳо аз саҳми бузурги ҷумҳурии мо дар ҳалли мушкилоти глобалӣ мебошад.
«Бо назардошти ояндабинии вазъи мавҷуда дар сиёсати хориҷии Ҷумҳурии Тоҷикистон «дипломатияи об» самти афзалиятнок ба ҳисоб рафта, пешбурд ва тақвияти он на танҳо ба манфиати давлати мо, балки ба манфиати тамоми башарият аст, чунки мушкилоти вобаста ба масъалаҳои гуфташуда рӯз то рӯз дар ҷаҳон афзоиш ёфта, давлатҳоро нигарон намудааст. Тоҷикистон яке аз мамлакатҳои фаъол дар ҳалли ин мушкилоти ҷаҳонӣ ба шумор рафта, ташаббусҳои ҷаҳонии Пешвои миллат муҳтарам Эмомалӣ Раҳмон аз ҷониби ҷомеаи ҷаҳонӣ мавриди эҳтирому эътироф қарор гирифта, дар амал татбиқ гардида истодаанд»,-афзуд ӯ.
АКС: Маркази тадқиқоти стратегии назди Президенти Ҷумҳурии Тоҷикистон
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Дар Донишгоҳи давлатии Кӯлоб вобаста ба ташаббусҳои ҷаҳонии Президенти Тоҷикистон ҳамоиш доир шуд
Вобаста ба омилҳои рушди сармояи инсонӣ дар Душанбе конфронс доир гардид
Шарифа Худобахш: «Тадқиқоти криосфера бояд ба низоми идоракунии захираҳои об ворид карда шавад»
110 нафар соҳиби шаҳодатномаи маҳфили «Пайравони Пешвои миллат» гардиданд
