«САД РАНГИ ЧАКАН». Дар даври вилоятии фестивали мазкур 35 тарроҳу ҳунарманд ва 170 зани фаъоли Суғд иштирок намуд
ДУШАНБЕ, 03.05.2023 /АМИТ «Ховар»/. 2 май дар Маҷмааи таърихию фарҳангии «Қалъаи Хуҷанд» Фестивали вилоятии «Сад ранги чакан» баргузор гардид, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Фестивали вилоятии «Сад ранги чакан» бо мақсади муаррифии санъату ҳунари волои халқи тоҷик, либоси миллӣ, тарбияи зебоипарастӣ, суръату сифати тоза бахшидан ба истеҳсоли матоъҳои гуногуни миллӣ, аз қабили чакану чакандӯзӣ, сӯзанидӯзиву гулдӯзӣ, читгарӣ ва атласу адрасбофӣ гузаронида шуда, дар он 35 тарроҳу ҳунарманд ва 170 зану духтари фаъол иштирок намуд.
Фестивал дар ду давр баргузор гардида, даври аввал дар сатҳи шаҳру ноҳияҳо ва даври дуюм дар маркази вилоят-шаҳри Хуҷанд ба таври навори телевизионӣ гузаронида шуд. Фестивал аз рӯи шаш бахш, аз ҷумла, беҳтарин либоси қадимаи чакан; беҳтарин либоси кӯдакона; беҳтарин либоси рӯзмарра; беҳтарин либоси маросимӣ ва идона; беҳтарин либоси расмӣ ва беҳтарин навъҳои гуногуни сӯзанидӯзӣ доир карда шуд.
Ҳайати ҳакамон паҳлуҳои то ҳанӯз ба ҳамагон норавшани анъанаҳои миллӣ, ҳунари волои чакандӯзии ин ё он маҳал, санъати асили гулдӯзӣ, сӯзанидӯзӣ, тоқидӯзӣ ва навъҳои гуногуни нақшу нигори миллиро ба инобат гирифта, ғолибонро муайян карданд.
Ғолибони Фестивали вилоятии «Сад ранги чакан» бо дипломҳои дараҷавӣ ва туҳфаҳои хотиравии Раиси вилоят сарфароз гардонида шуданд.
Ҳамчунин барои иштироки фаъолона дар Фестивали вилоятии «Сад ранги чакан» тарроҳону ҳунармандон бо Сипоснома ва туҳфаи хотиравӣ сарфароз гардонида шуданд.
АКС: Хадамоти матбуоти Раиси вилояти Суғд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
