Соли 2022 гардиши савдо байни Тоҷикистон ва Туркия 351,2 миллион долларро ташкил дод
ДУШАНБЕ, 04.05.2023 /АМИТ «Ховар»/. Соли 2022 гардиши савдо байни Тоҷикистон ва Туркия 351,2 миллион долларро ташкил дод. Инчунин дар моҳҳои январ-марти соли 2023 ҳаҷми гардиши савдои хориҷӣ бо Туркия 98,4 миллион долларро ташкил дода, нисбат ба ҳамин давраи соли гузашта 14,5 миллион доллар ё 17,3 фоиз афзоиш ёфтааст. Дар ин бора зимни мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода бо Сафири навтаъйини Ҷумҳурии Туркия дар Ҷумҳурии Тоҷикистон Умут Аҷар иттилоъ дода шуд.
Дар ҷараёни вохӯрӣ ҳамзамон тавсеа ва рушди минбаъдаи ҳамкории тиҷоративу иқтисодӣ байни ду давлат мавриди муҳокима қарор дода шуд.
Гуфта шуд, ки ба шарофати сиёсати оқилона ва дурандешонаи роҳбарони ду давлат- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Реҷеп Тайип Эрдоган муносибатҳои ду ҷумҳурӣ ба сатҳи баланд баромадаанд.
Бо мақсади рушди ҳамкории тиҷоратию иқтисодӣ ва сармоягузории дутарафа таклиф карда шуд, ки бо истифода аз иқтидори зиёди мавҷудаи дуҷониба дар Ҷумҳурии Тоҷикистон бо ҷалби сармоягузории Туркия корхонаҳои саноатии муштарак оид ба истеҳсоли маҳсулоти нассоҷӣ, коркарди алюминий, пашму пӯст, меваю сабзавот, хӯрокворӣ, шустушӯӣ ва масолеҳи сохтмон таъсис дода шавад, ки аз ҷониби Туркия хуш пазируфта шуд.
Ҷонибҳо дар доираи лоиҳаи «Харитаи роҳ оид ба афзоиши гардиши савдо байни Тоҷикистон ва Туркия барои солҳои 2022-2025» ва Агентии Туркия оид ба ҳамкорӣ ва ҳамоҳангсозӣ (TIKA) густариши ҳамкориро муҳокима намуданд.
АКС: Вазорати рушди иқтисод ва савдои Ҷумҳурии Тоҷикистон
Фурудгоҳи байналмилалии Душанбе ба 1,1 миллион мусофир хизмат расонидааст
То соли 2029 дар корхонаҳои металлургӣ, семент ва коркарди маъдани Суғд беш аз 3000 ҷойи нави кор таъсис дода мешавад
Аз Тоҷикистон ба хориҷи мамлакат ба маблағи беш аз 73 миллион доллар нахи пахта содирот гардид
Эмомалӣ Раҳмон: «Тоҷикистон аз иқтисодиёти ба содироти ашёи хом такякунанда ба иқтисодиёти истеҳсолӣ қадам мегузорад»
Ташаббусҳои Тоҷикистон дар соҳаи зеҳни сунъӣ дар саммитҳои ҷаҳонӣ дар Женева муаррифӣ шуданд
Эмомалӣ Раҳмон: «Металлургияи миллӣ заминаи истиқлоли саноатии мамлакат аст»
НИШАСТИ МАТБУОТӢ. Дар шаш моҳи соли 2026 дар Тоҷикистон 191 корхонаи нави саноатӣ фаъол гардид
Вазорати кишоварзӣ: «Дар 75 795 гектар кишти такрорӣ гузаронида шудааст, ки 71,5 фоизи нақшаро ташкил медиҳад»
Эмомалӣ Раҳмон: «Металлургияи сиёҳ муҳаррики стратегии рушди давлат ва пояи устувори тараққиёти индустриалии ҳар мамлакат ба ҳисоб меравад»
НИШАСТИ МАТБУОТӢ. Дар Тоҷикистон беш аз 11,6 миллиард кВт/соат неруи барқ истеҳсол гардид
НИШАСТИ МАТБУОТӢ. Аз Тоҷикистон ба 44 давлати ҷаҳон молу маҳсулот содирот шудааст
