Созмони умумиҷаҳонии тандурустӣ нақшаи дусолаи ба қатъи давраи фавқулодаи ковид нигаронидаро интишор намуд

Май 4, 2023 18:18

ДУШАНБЕ, 04.05.2023 /АМИТ «Ховар»/. Созмони умумиҷаҳонии тандурустӣ (СУТ) рӯзи чоршанбе барномаи дусоларо интишор намуд, ки ба қатъи давраи фавқулодаи пандемияи COVID-19 дар ҳамаи кишварҳо ва расонидани кумак ба онҳо дар ҳамгироии чораҳои зидди ковид ва чораҳои нисбатан васеъ оид ба пешгирии бемориҳои сироятӣ нигаронида шудааст. Таваҷҷуҳи асосӣ ба омӯзиши синдроми баъдиковидӣ ё ковиди дарозмуддат, ки аз он тибқи маълумоти мутахассисон қариб 6 фоизи сироятшудагон азият мекашанд, равона карда мешавад. Дар ин хусус АМИТ «Ховар» бо истинод ба ТАСС иттилоъ медиҳад.

Чун пешина ҳар ду «вазифаи стратегӣ», ки дар нақшаи аввал оид ба COVID-19 инъикос ёфтаанд ва онро созмон соли 2022 қабул намуда буд, муҳим боқӣ мемонад. Мақсад аз ин коҳиши паҳншавии SARS-CoV-2 ва васеъ намудани ташхис ва табобат барои кам кардани шумораи ҳалокшавӣ, гирифторӣ ба беморӣ ва оқибатҳои дуру дарози он мебошад.

Барномаи нави СУТ «ин ду мақсадро ҳифз ва ҳадафи сеюмро илова мекунад: дастгирӣ намудани кишварҳо ҳангоми гузариши онҳо аз эътинои таъҷилӣ ба табобати дарозмуддати пешгирикунанда».

Тибқи маълумоти СУТ, ба ҳолати 5 апрел бо ваксинатсия аз ковид фаро гирифтан дар ҷаҳон дар маҷмуъ 66%-ро ташкил медиҳад. Зимнан 80% кормандони тиб ва 82% одамони калонсол эм карда шуданд.

Тибқи маълумот, аз оғози пандемия дар ҷаҳон 765 222 932 ҳолат ба қайд гирифта шуда, 6 921 614 нафар ба ҳалокат расидааст.

Азиза ИКРОМ,
АМИТ «Ховар»

АКС аз манбаъҳои боз

Май 4, 2023 18:18

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд