«ЯК РӮЗИ ҶАВОНӢ». Дар Академияи Вазорати корҳои дохилии Тоҷикистон ҳамоиши адабию маърифатӣ доир шуд
ДУШАНБЕ, 23.05.2023. /АМИТ «Ховар»/. Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Вазорати маориф ва илми Ҷумҳурии Тоҷикистон бахшида ба Рӯзи ҷавонон дар Академияи Вазорати корҳои дохилии Ҷумҳурии Тоҷикистон таҳти унвони «Як рӯзи ҷавонӣ» барномаи адабию маърифатӣ, фарҳангиву сиёсӣ, иттилоотию тарғиботӣ, илмию инноватсионӣ ва вохӯрӣ бо донишҷӯён баргузор намуд. Дар ин хусус ба АМИТ «Ховар» дар Кумитаи мазкур хабар доданд.
Ёдовар мешавем, ки 23 майи соли 1997 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони ҷавони Тоҷикистон мулоқот намуда, фармонро «Оид ба баъзе масъалаҳои беҳтар кардани кор бо ҷавонон» ба имзо расониданд. Маҳз ҳамин рӯзи таърихӣ сабаб шуд, ки 23 май Рӯзи ҷавонони Тоҷикистон эълон гардад.
Тазаккур дода шуд, ки воқеан давоми солҳои соҳибистиқлолии мамлакат аз ҷониби Президенти мамлакат муҳтарам Эмомалӣ Раҳмон барои ба илму дониш фаро гирифтани ҷавонон зина ба зина шароити зарурӣ таъмин карда шуд.
«Маҳз ҷавонони бо илму дониш метавонанд ояндаи дурахшони давлату миллати хешро таъмин намоянд. Ин аст, ки Пешвои миллат ҷавононро ояндаи давлат унвон кардаанд»,-иброз гардид зимни ҳамоиш.
Иштирокчиён иброз доштанд, ки дар сафи мақомоти корҳои дохилӣ низ аксариятро кормандони ҷавон ташкил медиҳанд ва онҳо баҳри таъмини тартибот ва осудаҳолии шаҳрвандон саҳми намоён мегузоранд.
Дар ҳамоиш дастовардҳои илмию варзишии донишҷӯён ва устодон ба намоиш гузошта шуда, барои иштирокчиён барномаи идонаи фарҳангии дастаи ҳунарии Академияи Вазорати корҳои дохилии Тоҷикистон таҳти унвони «Суруди ҷавонӣ» пешкаш карда шуд.
Дар фарҷоми чорабиниҳо ба як зумра устодону донишҷӯёни донишгоҳ сипосномаҳои Кумита тақдим карда шуд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
