Ҳайати Дафтари ҳамкории иқтисодии Швейтсария бо вазъи макроиқтисодии Тоҷикистон шинос шуд
ДУШАНБЕ, 09.06.2023 /АМИТ «Ховар»/. Масъалаҳои муҳими ҳамкории Бонки миллии Тоҷикистон ва Дафтари ҳамкории иқтисодии Швейтсария (SECO) дар мулоқоти роҳбарияти Бонки миллии Тоҷикистон ва намояндагони масъули созмони мазкур дар Душанбе баррасӣ гардид.
Тавре ба АМИТ «Ховар» дар Бонки миллии Тоҷикистон иттилоъ доданд, таҷрибаи ҳамкории бисёрсола ва дастгирии кумаки техникии Дафтари ҳамкории иқтисодии Швейтсария ба Бонки миллии Тоҷикистон имкон дод, ки дар бахши молиявии мамлакат як қатор ислоҳоти муҳим ҷорӣ гардад.
Ҳамзамон, дар доираи лоиҳаҳои Дафтари ҳамкории иқтисодии Швейтсария дар баробари дастгирии лоиҳаҳои зиддибуҳронӣ, Бонки миллии Тоҷикистон якчанд санадҳои меъёрии ҳуқуқии бонкӣ дар самти сиёсати макропруденсиалӣ, танзим ва назорати бонкӣ, идоракунии корпоративӣ ва идоракунии хавфи қарзиро таҳия ва татбиқ намуд, ки ба пешравиҳои назаррас ноил гардид. «Стратегияи миллии фарогирии молиявии Ҷумҳурии Тоҷикистон барои солҳои 2022-2026» ва қабули он аз ҷониби Ҳукумати Ҷумҳурии Тоҷикистон намунаи барҷастаи ин ҳамкорӣ маҳсуб меёбад.
Роҳбарияти Бонки миллии Тоҷикистон намояндагони Дафтари ҳамкории иқтисодии Швейтсарияро бо вазъи макроиқтисодӣ ва низоми бонкии мамлакат шинос намуд.
Таъкид шуд, ки новобаста аз вазъи мураккаби геосиёсӣ ва иқтисодии ҷаҳон дар моҳҳои январ-апрели соли равон тамоюли пастшавии сатҳи таваррум идома дошта, 2,3 фоиз ва таварруми солона (дар 12 моҳи охир) дар моҳи апрели соли равон 3,4 фоизро ташкил дод, ки назар ба ҳамин давраи соли гузашта 3,9 банди фоизӣ камтар аст.
Афзоиши воқеии Маҷмӯи маҳсулоти дохилӣ дар ин давра ба 8,0 фоиз баробар гардид, ки нисбат ба ҳамин давраи соли гузашта 0,5 банди фоизӣ зиёд аст.
Намояндаи Дафтари ҳамкории иқтисодии Швейтсария аз сатҳу сифати ҳамкории тарафайн изҳори қаноатмандӣ намуда, пешравиҳои назарраси Бонки миллии Тоҷикистонро дар самти таҳкими устувори бахши молиявӣ ва барқарор кардани эътимоди аҳолӣ ба низоми бонкӣ хуш истиқбол намуд.
Мавсуф қабули «Стратегияи миллии фарогирии молиявии Ҷумҳурии Тоҷикистон барои солҳои 2022-2026»-ро қадами устувор дар рушди бахши молиявии мамлакат арзёбӣ намуда, иброз дошт, ки барои дар амал татбиқ намудани чаҳор самти асосӣ, аз ҷумла шабакаҳои таҳвил ва хизматрасонии молиявии рақамӣ, гуногуншаклии маҳсулоти молиявӣ, ҳимояи ҳуқуқҳои истеъмолкунандагони хизматрасониҳои молиявӣ ва саводнокии молиявӣ ҳамкорӣ вусъат дода хоҳад шуд.
АКС: Бонки миллии Тоҷикистон
ҚУРБИ АСЪОР: 1 рубли русӣ аз 0.1200 то 0.1212 сомонӣ муқаррар шудааст
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
МОДАР — РАМЗИ МЕҲРУ МУҲАББАТ ВА ХУРРАМИИ ЗИНДАГӢ. Дар Бонки миллии Тоҷикистон Рӯзи Модар таҷлил гардид
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
