Вазъи кунунии ҳамкории мақомоти гумруки Тоҷикистон ва Узбекистон баррасӣ гардид
ДУШАНБЕ, 31.03.2026. /АМИТ «Ховар»/. Таҳкими ҳамкории дуҷониба дар самти фаъолияти гумрукӣ байни Тоҷикистон ва Узбекистон дар мулоқоти роҳбарияти Хадамоти гумруки назди Ҳукумати Ҷумҳурии Тоҷикистон ва Кумитаи гумруки назди Вазорати иқтисод ва молияи Ҷумҳурии Узбекистон баррасӣ гардид, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Муовини якуми сардори Хадамоти гумруки назди Ҳукумати Ҷумҳурии Тоҷикистон Азим Турсунзода ва муовини Раиси Кумитаи гумруки назди Вазорати иқтисод ва молияи Ҷумҳурии Узбекистон Надир Мусамухамедов доираи васеи масъалаҳои муҳим, аз ҷумла содагардонии расмиёти гумрукӣ, коҳиш додани монеаҳои маъмурӣ ҳангоми интиқоли молу воситаҳои нақлиёт, таъмини шаффофият ва суръатбахшии барасмиятдарории молҳоро мавриди муҳокима қарор доданд.
Ҳамчунин ба масъалаҳои марбут ба рушди табодули иттилоот байни мақомоти гумрукии ду давлат таваҷҷуҳи махсус зоҳир гардида, роҳҳои ҳалли мушкилоти мавҷуда дар ин самт баррасӣ карда шуданд.
Дар идомаи мулоқот ҷонибҳо ба таъмини табодули пешакии маълумот оид ба молҳои транзитӣ, ҳамоҳангсозии маълумот вобаста ба молҳое, ки аз ҷониби шахсони воқеӣ барои эҳтиёҷоти шахсӣ интиқол дода мешаванд, инчунин ба такмили равандҳои назорати гумрукӣ дар дидбонгоҳҳои наздисарҳадӣ таваҷҷуҳи махсус зоҳир намуданд.
Мулоқоти роҳбарияти мақомоти гумруки Тоҷикистон ва Узбекистон дар таҳкими ҳамкории дуҷониба ва рушди муносибатҳои иқтисодӣ байни ду давлат қадами муҳим арзёбӣ мегардад.
АКС: Хадамоти гумруки назди Ҳукумати Ҷумҳурии Тоҷикистон
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
