Густариши ҳамкорӣ дар самти энергетикаи Тоҷикистон бо Бонки аврупоии таҷдид ва рушд баррасӣ гардид
ДУШАНБЕ, 31.03.2026. /АМИТ «Ховар»/. 26 март дар шаҳри Лондон мулоқоти муовини якуми Вазири молияи Ҷумҳурии Тоҷикистон Юсуф Маҷидӣ бо Ноиби Президенти Бонки аврупоии таҷдид ва рушд/Роҳбари Гурӯҳи идоракунии хавфҳои ин бонк хонум Фатумата Буаре баргузор шуд. Дар ин хусус АМИТ «Ховар» бо истинод ба Вазорати молияи ҷумҳурӣ хабар медиҳад.
Дар мулоқот масъалаҳои марбут ба таҳкими низоми азхудкунии маблағҳо ва назорати хавфҳо, беҳтар намудани ҳамоҳангӣ бо мақомоти татбиқкунандаи лоиҳаҳои давлатии сармоягузорӣ ва тақвияти омодагӣ ба таъсири хавфҳои беруна мавриди баррасӣ қарор гирифтанд.
Ҳамзамон дар ин рӯз мулоқоти Юсуф Маҷидӣ бо Директори идоракунандаи Гурӯҳи рушди инфрасохтори Бонки аврупоии таҷдид ва рушд Гарри Бойд-Карпентер доир гардид, ки дар он масъалаҳои густариши ҳамкорӣ дар самтҳои энергетика баррасӣ шуданд.
Аз ҷумла, коҳиши талафоти неруи барқ, ҷорӣ намудани ҳисобкунакҳои ҳушманд, таҳкими устувории молиявии бахши энергетика, рушди манбаъҳои барқароршавандаи энергия ва беҳтарсозии ҳамгироии шабакаҳои барқ муҳокима гардид.
Ҷониби Тоҷикистон ҳамчунин аҳамияти ҷалби бештари маблағгузории грантӣ ва омехтаи имтиёзнок барои рушди инфрасохтор, аз ҷумла энергетика, об, хизматрасонии коммуналӣ ва зерсохторҳои ба иқлим мутобиқро баён намуд.
АКС: Вазорати молияи Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
