Ҳайати Тоҷикистон дар шаҳри Минск дар Конфронси III байналмилалии илмӣ-амалии «Фаъолияти тафтишотӣ: илм, маориф, амалия» иштирок намуд
ДУШАНБЕ, 12.06.2023 /АМИТ «Ховар»/. 9 июн дар шаҳри Мински Ҷумҳурии Беларус ҳайати Ҷумҳурии Тоҷикистон таҳти роҳбарии Директори Агентии назорати давлатии молиявӣ ва мубориза бо коррупсия Сулаймон Султонзода дар Конфронси III байналмилалии илмӣ-амалии «Фаъолияти тафтишотӣ: илм, маориф, амалия» иштирок намуд. Дар ин хусус ба АМИТ «Ховар» дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Дар чорабинӣ намояндагони мақомоти ҳифзи ҳуқуқ, муассисаҳои олӣ ва дигар ниҳодҳои давлатии Беларус, Узбекистон, Озарбойҷон ва Русия низ иштирок намуданд.
Иштирокчиён роҳҳои таҳкими ҳамкории байналмилалӣ ва минтақавиро дар самти тафтиши пешакии парвандаҳои ҷиноятӣ мавриди баррасӣ ва муҳокимаронӣ қарор дода, нақши конфронсро дар баланд бардоштани донишу малакаи касбӣ назаррас арзёбӣ намуданд.
Ёдовар мешавем, ки дар доираи сафари ҳайати Тоҷикистон ба Минск бо мақсади таҳкими заминаи ҳуқуқии робитаҳо байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Кумитаи тафтишотии Ҷумҳурии Беларус Созишномаи ҳамкорӣ дар самти муқовимат ба коррупсия ба имзо расонида шуд.
Изҳори итминон карда шуд, ки созишномаи мазкур барои таҳкими равобити байни ду мақомот дар ҳалли мушкилоти марбут ба коррупсияи фаромиллӣ саҳми арзанда хоҳад гузошт.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
«ПУЛИ МИЛЛӢ-ИФТИХОРИ МИЛЛӢ». Дар «Амонатбонк» бахшида ба асъори миллӣ-сомонӣ ҳамоиш доир шуд
Даромади умумии буҷети давлатӣ барои соли 2025 дар ҳаҷми 49,5 миллиард сомонӣ пешбинӣ шудааст
Тоҷикистон ва Индонезия таъсиси корхонаи муштарак оид ба истеҳсоли панелҳои офтобӣ ва инверторҳои офтобиро баррасӣ намуданд
Ҳайати Тоҷикистон дар Форуми «Central Eurasia Siliсon Valley-2024» дар Сан-Франсиско иштирок намуд
Дар Душанбе Форуми байналмилалии молиявӣ баргузор гардид
Тоҷикистон ва Туркия ҳамкориро дар соҳаи саноат тақвият медиҳанд
«MADE IN TAJIKISTAN». Дар Душанбе Намоишгоҳи саноатии Тоҷикистон ташкил карда шуд
Дар Тоҷикистон дар нуҳ моҳ нақшаи даромади буҷети давлатӣ 105,4 фоиз иҷро гардид
«Сомон Эйр» барномаи навсозии курсиҳои мусофирнишини ҳавопаймоҳоро амалӣ намуд
Ҳамкории иқтисодии Тоҷикистон ва Олмон баррасӣ гардид
Намояндаи Тоҷикистон дар чорабиниҳои Форуми глобалии сиёсати Алянси фарогирии молиявӣ иштирок намуд
Байни Хадамоти гумруки Тоҷикистон ва Русия оид ба Долони содакардашудаи гумрукӣ созишнома ба имзо расид
