Байни ширкатҳои сайёҳии Тоҷикистон ва Чин Ёддошти тафоҳум ба имзо расид
ДУШАНБЕ, 24.06.2023. /АМИТ «Ховар»/. Байни Корхонаи воҳиди давлатии «Маркази иттилоотии хизматрасонии сайёҳӣ»-и Кумитаи рушди сайёҳии назди Ҳукумати Ҷумҳурии Тоҷикистон ва ширкати чинии «More Trip International Travel Service Co» ёддошти тафоҳуми ҳамкорӣ ба имзо расид. Дар ин хусус ба АМИТ «Ховар» дар Кумитаи рушди сайёҳии ҷумҳурӣ хабар доданд.
Ҷонибҳо ҷиҳати вусъат бахшидани ҳамкории дуҷониба дар соҳаи сайёҳӣ, табодули таҷриба, ташрифи сайёҳони ду ҷониб, ворид намудни сайёҳони кишварҳои сеюм ба Тоҷикистон тавассути гузаргоҳҳои сарҳадии Чин ва Тоҷикистон ва баргузории чорабиниҳои муштараки сайёҳӣ ибрози назар намуданд.
Изҳор гардид, ки ба роҳ мондани равобити дуҷонибаи ширкатҳои Чин ва Тоҷикистон барои рушди соҳаи сайёҳии ҳарду давлат манфиатовар мебошад.
Ёддошти тафоҳум оид ба ҳамкории мутақобила байни Корхонаи воҳиди давлатии «Маркази иттилоотии хизматрасонии сайёҳӣ»-и Кумитаи рушди сайёҳии назди Ҳукумати Ҷумҳурии Тоҷикистон ва ширкати чинии «More Trip International Travel Service Co» ҷиҳати муаррифии иқтидори сайёҳии Ҷумҳурии Тоҷикистон дар воситаҳои ахбори омма ва захираҳои интернетии Ҷумҳурии Мардумии Чин ба имзо мусоидат хоҳад намуд.
Мавриди тазаккур аст, ки Ёддошти тафоҳум муҳлатнок буда, то 31 декабри соли 2023 қобилияти амал намуданро дорад ва бо назардошти манфиатҳои ду ҷониб метавонад тамдид карда шавад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
Ҳайати Хадамоти гумруки Тоҷикистон дар ҷаласа доир ба татбиқи методологияи «Таҳқиқоти вақти иҷозати мол» иштирок намуд
Ҷаласаи миллӣ оид ба таҳияи дастурамалҳои рушди устувори гидроэнергетикаи хурд баргузор шуд
Масъалаи афзоиши содироти маҳсулоти кишоварзии Тоҷикистон ба Русия баррасӣ гардид
Ҳамкории Тоҷикистон ва Узбекистон дар муқовимат ба коррупсия густариш меёбад
Дар шаҳри Остона масоили омодагӣ ба Саммити минтақавии экологӣ баррасӣ гардид
Соли 2025 ба Тоҷикистон дар ҳаҷми 8 миллиарду 295,6 миллион доллар молу маҳсулот ворид карда шуд
Дар Бонки миллии Тоҷикистон оид ба риояи талаботи қонунҳои миллӣ ҳамоиш доир гардид
