Байни ширкатҳои сайёҳии «Transavia express»-и Тоҷикистон ва «Discover Azerbaijan»-и Озарбойҷон созишномаи ҳамкорӣ ба имзо расид
ДУШАНБЕ, 20.06.2023 /АМИТ «Ховар»/. Байни ширкатҳои сайёҳии Тоҷикистону Озарбойҷон- «Transavia express» ва «Discover Azerbaijan» Созишномаи ҳамкорӣ ба имзо расид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Озарбойҷон иттилоъ медиҳад.
Дар маросими баимзорасонии ин санад таъкид карда шуд, ки ин аввалин созишномаи ҳамкорӣ байни ширкатҳои «Transavia express» ва ширкати сайёҳии «Discover Azerbaijan» маҳсуб ёфта, ҳадафаш роҳандозии равобит барои ҷалби бештари сайёҳон аз Озарбойҷон ба Тоҷикистон мебошад.
Ифтитоҳи парвози нахустини мустақими мунтазам дар масири Боку –Душанбе-Боку, ки 30 май аз ҷониби ширкати ҳавопаймоии Озарбойҷон «Buta Airways» анҷом дода шуд, барои таҳкими муносибатҳои ҳарду ҷумҳурӣ муҳим арзёбӣ гардид.
Инчунин дар Боку бо ташаббуси ширкати сайёҳии Тоҷикистон «Transavia express» ва Сафорати Тоҷикистон дар Озарбойҷон вохӯрии намояндагони 7 ширкати сайёҳии Тоҷикистон бо ширкати «Discover Azerbaijan», намояндагони Агентии давлатии сайёҳии Озарбойҷон, ширкати давлатии ҳавопаймоии Ҷумҳурии Озарбойҷон «AZAL» ва хабарнигори Агентии хабарии интернетии Trend.az-и Озарбойҷон доир гардид, ки дар онҳо масоили марбут ба тақвияти ҳамкорӣ баррасӣ шуд.
АКС: Сафорати Ҷумҳурии Тоҷикистон дар Ҷумҳурии Озарбойҷон
ДУШАНБЕ ДАР GOOGLEMAP, YANDEXMAP ВА OSM. 1500 акси ҷолиби пойтахти Тоҷикистон дар ин харитаҳои рақамии бонуфузи ҷаҳонӣ ҷой карда шуд
Тақвими ягонаи чорабиниҳои Наврӯз — 2025 дар шаҳри Душанбе таҳия гардид
Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Илм-фурӯғи маърифат» дар соли 2025
Тадбирҳои андешидаи роҳбарияти шаҳри Душанбе дар рушди сайёҳӣ ва муаррифии имконоти соҳа нақши назаррас гузоштанд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Дар Душанбе рушди бозори меҳнат дар шароити иқтисоди «сабз» баррасӣ шуд
Омӯзгорони Донишгоҳи байналмилалии сайёҳӣ ва соҳибкории Тоҷикистон соҳиби сертификати байналмилалӣ гардиданд
Ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон бо роҳбарияти Донишгоҳи Ситии Малайзия мулоқот намуд
Намояндагони Донишгоҳи байналмилалии сайёҳӣ ва соҳибкорӣ дар Малайзия вобаста ба омоданамоии кадрҳои баландихтисос вохӯрӣ намуданд
Дар Тоҷикистон оид ба рушди сайёҳии кишоварзӣ вохӯрӣ доир шуд
Дар Кумитаи рушди сайёҳӣ барномаи 3D-и «Аҷинатеппа» муаррифӣ гардид
Омӯзгорони Донишгоҳи байналмилалии сайёҳӣ ва соҳибкории Тоҷикистон ва Донишгоҳи Линии Чин табодули таҷриба менамоянд
