«CAFA Nations Cup-2023». Пагоҳ дастаи мунтахаби Тоҷикистон бо Уммон бозӣ менамоянд

ДУШАНБЕ, 13.06.2023 /АМИТ «Ховар»/. Пагоҳ, 14 июн дар шаҳри Тошканди Ҷумҳурии Узбекистон дар доираи Мусобиқаи Ҷоми миллатҳои Ассотсиатсияи футболи Осиёи Марказӣ дар гурӯҳи «А» бозии дастаи мунтахаби Тоҷикистон оид ба футбол бо Уммон баргузор мегардад. Дар ин хусус ба шореҳи варзиши АМИТ «Ховар» дар Федератсияи футболи Тоҷикистон хабар доданд.

Аз ин пеш дастаи мунтахаби Тоҷикистон дар бозии якуми худ бо Туркманистон рақобат намуд. Ин вохӯрӣ дар варзишгоҳи «Пахтакор»-и шаҳри Тошканд баргузор шуда, бо ҳисоби 1 бар 1 анҷом ёфт.

Дар бозии дигари гурӯҳ дастаи мунтахаби Узбекистон бо ҳисоби 3 бар 0 муқобили Уммон ғолиб омад.

Хотиррасон мешавем, ки дар мусобиқаи «CAFA Nations Cup-2023» дастаи мунтахаби Тоҷикистон дар гурӯҳи «А» бо Туркманистон, Уммон ва Узбекистон бозӣ менамояд.

АКС: Федератсияи футболи Тоҷикист