Дар Алмаато нахустин Мусобиқа оид ба гӯштини тоҷикӣ «Гуштингирӣ» доир гардид

ДУШАНБЕ, 13.06.2023. /АМИТ «Ховар»/. 11 июн дар шаҳри Алмаато бо ташаббуси Консулгарии генералии Ҷумҳурии Тоҷикистон нахустин Мусобиқа оид ба гуштини тоҷикӣ «Гуштингирӣ» ба ифтихори 30-солагии барқароршавии муносибатҳои дипломатӣ байни Ҷумҳурии Тоҷикистон ва Ҷумҳурии Қазоқистон, инчунин таҷлили Рӯзи Ваҳдати миллӣ баргузор гардид. Дар ин хусус ба АМИТ «Ховар» дар Консулгарии генералии Ҷумҳурии Тоҷикистон дар шаҳри Алмато хабар доданд.

Дар чорабинии мазкур беш аз 100 нафар меҳмонон, аз ҷумла аз Ассамблеяи халқҳои Қазоқистон, роҳбарон ва фаъолони марказҳои фарҳангӣ, донишҷӯён, муҳоҷирони меҳнатӣ, ҳамватанони бурунмарзӣ ва беш аз 28 нафар гӯштингирони касбӣ аз Тоҷикистону Қазоқистон  иштирок намуданд.

Ғолибони мусобиқа бо медалу ифтихорномаҳо ва сертификатҳои  пулӣ барои ҷойҳои якум, дуюм ва сеюм бо маблағи 100 000, 50 000, 30 000 тенге мукофотонида шуданд.

АКС: Консулгарии генералии Ҷумҳурии Тоҷикистон дар шаҳри Алмаато