Дар Донишгоҳи давлатии Кӯлоб зимни конфронс таҳти унвони «Ваҳдат-бақои миллат» маросими супоридани дипломҳои аъло баргузор гардид

Июнь 23, 2023 18:51

ДУШАНБЕ, 23.06.2023. /АМИТ «Ховар»/. Ваҳдати миллӣ ҳамчун омили муттаҳидсози миллати тоҷик имкон фароҳам овард, ки бо истифодаи арзишҳои аз ҷониби ҷомеаи ҷаҳонӣ пазируфташуда дар ҷумҳурӣ таҳкурсии ташаккули ҷомеаи шаҳрвандӣ гузошта шуда, барои беҳтар гардидани сатҳу сифат и зиндагии мардум, ободии Ватан ва ояндаи давлати соҳибистиқлоламон заминаи мусоид муҳайё гардад. Ин нукта зимни конфронси илмӣ-назариявӣ дар мавзуи «Ваҳдат-бақои миллат», ҳамзамон маросими супоридани дипломҳои аъло дар Донишгоҳи давлатии Кӯлоб ба номи Абуабдуллоҳи Рӯдакӣ иброз гардид. Дар ин хусус АМИТ «Ховар» бо истинод ба Донишгоҳи мазкур хабар медиҳад.

Дар конфронс таъкид гардид, ки самари ваҳдати миллӣ буд, ки халқи тоҷик тавонист дар сарнавишти миллат дигаргуниҳои зиёдеро дар мавриди худшиносиву худогоҳии миллӣ ба вуҷуд орад.

«Дастоварди бузургтарини мо дар ин давра ин оғози эъмори давлати ҳуқуқбунёд, гузоштани заминаи он зимни таҳияи санадҳои меъёрии ҳуқуқӣ, таҳким бахшидани пояҳои истиқлоли давлатӣ, анҷоми дигар корҳои созандагию ободкорӣ мебошад, ки имрўзҳо дар шукуфоии тамоми минтақаҳои мамлакат эҳсос карда мешавад»- гуфта шуд дар конфронс.

Иброз гардид, ки соли 2023 донишгоҳро 1850 нафар донишҷӯён ва магистрантон хатм намуданд. Хатмкунандагони таълими рӯзона 833, таҳсилоти фосилавӣ 934 ва зинаи магистратура 83 нафарро ташкил медиҳад.

Аз шумораи зикршудаи хатмкардагон 52 нафар – 42 нафар зинаи бакалавр (41 нафар рӯзона ва 1 нафар фосилавӣ) ва 10 нафар зинаи магистратураро бо дипломи аъло хатм намуданд.

Гирандагони дипломи аъло дар соли ҷорӣ 2,86%-и теъдоди умумии хатмкардагонро ташкил медиҳад. Аз 41 нафар хатмкардаи гирандаи дипломи аълои таълими рӯзона 34 нафар хатмкардаи ихтисосҳои равияи омӯзгорӣ (23 нафар буҷавӣ, 1 нафар шартномавӣ ва 10 тибқи квотаи Президентӣ) мебошанд.

«Албатта, зарфият, тавоноӣ, имконоти ҳайати олимон ва донишҷӯёни мо бештар аз ҳадди натиҷаҳост. Аз ин рӯ, моро зарур аст, ки дар соли навбатии таҳсил бо кашфи истеъдодҳои нав, тақвияти кори маҳфилҳои фаннӣ, ҷалби бештари донишҷӯён ба онҳо, тақвияти дастаи олимпӣ, аз ҷумла бо ҷалби хатмкунандагони дорои дипломи аъло ба зинаҳои магистратура ва докторантура дар самтҳои зикршудаи фаъолият корро ҷоннок ва натиҷаву дастовардҳоро афзун намоем»,-таъкид намуд Ректори Донишгоҳ.

Сипас муаллимону дотсентон дар мавзуъҳои «Маснавии мо дўкони ваҳдат аст», «Вазъи сиёсии Тоҷикистон ва таъмини Ваҳдат дар солҳои аввали соҳибистиқлолӣ», «Аҳамияти таърихии Ваҳдати миллӣ» ва «Саҳми Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар таъмини сулҳ» маъруза намуданд.

Дар қисмати тантанавӣ аз ҷониби роҳбарияти донишгоҳ ба 52 нафар донишҷӯён ва магистрантоне, ки донишгоҳро бо баҳои аъло хатм намуданд, дипломи аъло супорида шуд.

Ҳамчунин, дар чорабинӣ як қатор хатмкунандагон ва волидайни эшон баромад намуда, миннатдории хешро ба роҳбарияти донишгоҳ ва омӯзгороне, ки ба фарзандони онҳо тули таҳсил сабақ омӯхтанд, баён намуданд.

АКС: Донишгоҳи давлатии Кӯлоб ба номи Абуабдуллоҳи Рӯдакӣ

Июнь 23, 2023 18:51

Хабарҳои дигари ин бахш

200 нафар хонандагони болаёқати шаҳри Душанбе ба истироҳатгоҳи «Шарора» ҷалб гардиданд
Бахшида ба Соли байналмилалии ҳифзи пиряхҳо китоби «Қалби яхбастаи Осиё. Пиряхҳои Тоҷикистон дар мусаввараҳо ва суратҳо» ба нашр расид
85 фоизи хатмкунандагони филиали Донишгоҳи миллии таҳқиқотии технологӣ «МИСИС» бо ҷойи кор таъмин мегарданд
Муовини Сарвазири Тоҷикистон бо омодагии муассисаҳои таълимии вилояти Суғд ба соли нави хониш шинос шуд
НИШАСТИ МАТБУОТӢ. Филиали Донишгоҳи давлатии Москва дар Душанбе бо 40 муассисаи хориҷӣ ҳамкории илмӣ дорад
Фарогирии кӯдакон ба зинаи томактабӣ дар Душанбе дар сатҳи ҷумҳурӣ натиҷаи баландтарин аст, — бардошт аз мулоқот бо кормандони соҳаи маорифи пойтахт
Дар 77 муассисаи таълимии Истаравшан беш аз 60 ҳазор хонанда ба таҳсил фаро гирифта шуд
Дар Суғд таҳти раёсати муовини Сарвазири Тоҷикистон Дилрабо Мансурӣ оид ба иҷрои барномаҳои давлатии соҳаи маориф ҷаласа доир шуд
Маркази миллии тестӣ: сатҳи истифодаи хизматрасонии онлайнӣ аз ҷониби довталабон нигаронкунанда аст
Омӯзгорони тоҷик дар даври омӯзишии байналмилалии «KLIC LEAD Global Workshop 2025» дар Корея иштирок доранд
НИШАСТИ МАТБУОТӢ. Шумораи донишҷӯёни хориҷӣ дар Донишкадаи тиббӣ-иҷтимоии Тоҷикистон зиёд гардидааст
НИШАСТИ МАТБУОТӢ. Дар ду даври бақайдгирии Имтиҳонҳои марказонидаи дохилшавӣ-2025 беш аз 92 ҳазор довталаб номнавис гардид