Дар Рашт муассисаи томактабӣ барои 50 кӯдак мавриди баҳрабардорӣ қарор дода шуд
![](https://khovar.tj/wp-content/uploads/2023/06/kudakiston.jpg)
РАШТ, 12.06.2023 /АМИТ «Ховар»/. Дар Ҷамоати деҳоти Навдии ноҳияи Рашт муассисаи томактабӣ барои 50 кӯдак ифтитоҳ гардид. Дар ин хусус ба хабарнигори минтақавии АМИТ «Ховар» дар Мақомоти иҷроияи ҳокимияти давлатии ноҳияи Рашт иттилоъ доданд.
Бинои кӯдакистон дар раванди корҳои созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон дар ҳамкорӣ бо шарикони сармоягузор бунёд гардидааст, ки дар он барои хурдсолон тамоми шароити замонавии таълимиву маишӣ муҳайё карда шудааст.
Тибқи иттилои масъулини Мақомоти иҷроияи ҳокимияти давлатии ноҳияи Рашт, бахшида ба ҷашни таърихии 35-солагии Истиқлоли давлатӣ дар ноҳия сохтмону навсозии 275 иншооти гуногун ба нақша гирифта шудааст, ки аз ин шумора дар арафаи ҷашни Ваҳдати миллӣ 24 иншоот, аз қабили бинои иловагии муассисаи таълимии №49 дар деҳаи Хуфак, ҳавзи моҳипарварӣ, марказҳои хизматрасонӣ, хатҳои оби нӯшокӣ дар деҳот, мумфаршкунии роҳҳои маҳаллӣ, фермаи мурғпарварӣ ва дигар иншооти гуногун дар деҳаи Бунии Суфиён ба истифода дода мешавад.
АКС: Мақомоти иҷроияи ҳокимияти давлатии ноҳияи Рашт