Дар шаҳри Ваҳдат амалисозии «Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024» баррасӣ гардид
ДУШАНБЕ, 02.06.2023. /АМИТ «Ховар»/. Бо мақсади дар амал татбиқ намудани «Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024» бо ташаббуси Вазорати корҳои дохилии Ҷумҳурии Тоҷикистон дар шаҳри Ваҳдат машварат баргузор гардид, хабар медиҳад АМИТ «Ховар» бо истинод ба Вазорати корҳои дохилӣ.
Сардори Раёсати пешгирии ҳуқуқвайронкунии ноболиғону ҷавонони Вазорати корҳои дохилӣ Мансур Бухоризода ҷиҳати иҷрои барномаи мазкур, натиҷаҳо ва дастовардҳои раёсат ва амалисозии бандҳои «Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024» маълумот пешниҳод намуд.
Намояндагони вазорату идораҳое, ки дар машварат иштирок доштанд, вобаста ба иҷрои бандҳои дахлдори барномаи мазкур ҳисобот доданд.
Дар идома аз ҷониби намояндаи Вазорати корҳои дохилӣ муҳтавои Қонуни Ҷумҳурии Тоҷикистон «Дар бораи низоми огоҳонӣ ва пешгирии ҳуқуқвайронкунии ноболиғон» мавриди баррасӣ қарор дода шуда, бандҳои алоҳидаи он ҷиҳати корбарӣ дар фаъолияти оянда ба намояндагони мақомоту идораҳои дахлдор фаҳмонида шуд.
Бояд гуфт, ки «Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024» баҳри иҷрои муқаррароти Конвенсияи Созмони Милали Муттаҳид оид ба ҳуқуқи кӯдак таҳия ва пешбинӣ шуда, ҳадафи барномаи мазкур дастҷамъона пешгирӣ намудани ҳуқуқвайронкунӣ дар байни ноболиғон ва ҷалби онҳо ба донишомӯзиву аз худ намудани барномаи таълимӣ мебошад.
АКС: Вазорати корҳои дохилии Ҷумҳурии Тоҷикистон
ЭҲТИЁТ АЗ ҚАЛЛОБӢ! Ва ё маблағҳои ҳамёнҳои электронӣ бо кадом роҳҳо тасарруф карда мешаванд?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
161 нафар муҳоҷирони экологӣ соли 2025 бо қитъаи замин ва кумаки яквақтаинаи моддӣ таъмин карда шуданд
НИШАСТИ МАТБУОТӢ. Дар Тоҷикистон соли 2025 беш аз 200 ҳодисаи табиӣ ба амал омадааст
ТАРБИЯ ПЕШ АЗ ТАЪЛИМ АСТ. Чаро ҷинояткории наврасону ҷавонон коҳиш намеёбад?
НИШАСТИ МАТБУОТӢ. Соли 2025 вобаста ба маводи нашъаовар чӣ миқдор ҷиноят ошкор гардид?
Изҳороти маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
