Гимназияи №74-и шаҳри Душанбе ғолиби озмуни «Нозирони навраси ҳаракат дар роҳ» гардид
ДУШАНБЕ, 02.06.2023 /АМИТ «Ховар»/. Аз 28-уми май то 1-уми июни соли равон, дар Осоишгоҳи «Шоҳамбарӣ» аз ҷониби Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон озмуни ҷумҳуриявии «Нозирони навраси ҳаракат дар роҳ» баргузор гардид, ки дастаи гимназияи №74-и шаҳри Душанбе-ғолиби озмун дониста шуд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.
Дар маросими кушодашавии он роҳбарияти Вазорати корҳои дохилӣ, Раёсати БДА, дастаҳои иштирокчии озмун ва намояндагони васоити ахбори омма иштирок намуданд.
Иброз гардид, ки дар партави сиёсати хирадмандонаву созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ватани мо ба пешравию дастовардҳои нав ба нав ноил гардида, рӯз то рӯз ободу зебо шуда истодааст. Ҳамасола бо дастгирии роҳбарияти ВКД озмуни ҷумҳуриявии «Нозирони навраси ҳаракат» гузаронида мешавад.
Масъулин ҳадаф аз гузаронидани Озмуни ҷумҳуриявии «Нозирони навраси ҳаракат дар роҳ»-ро пеш аз ҳама дар пешгирии ҳодисаҳои роҳу нақлиёт бо иштироки кӯдакону наврасон, дар сатҳи баланд ба роҳ мондани корҳои ташвиқотиву тарғиботӣ, риояи қоидаҳои ҳаракат дар роҳ дар муассисаҳои миёнаи таҳсилоти ҳамагонӣ ва муассисаҳои томактабӣ, фаъолияти мунтазами дастаҳои «Нозирони навраси ҳаракат» дар шаҳру навоҳии мамлакат ва дӯстиву муҳаббати иштирокчиёни Озмун унвон карданд.
Дар озмуни имсолаи ҷумҳуриявии «Нозирони навраси ҳаракат» 6 даста: Гимназияи №74 шаҳри Душанбе, Муассисаи таҳсилоти миёнаи умумии №1 шаҳри Конибодоми вилояти Суғд, МТМУ №7 шаҳри Хоруғи ВМКБ, МТМУ №7 шаҳри Турсунзода, МТМУ №2 ноҳияи Данғараи вилояти Хатлон ва МТМУ №1 ноҳияи Рашт иштирок намуданд.
Иштирокчиён аз рӯйи намудҳои «Азназаргузаронии сафороӣ», «Донишмандони қоидаҳои ҳаракат дар роҳ», «Дарси кушод», «Чархи амонӣ», «Танзимгари наврас», «Малакаи касбӣ» ва дигар бахшҳои озмун миёни ҳам қувваозмоӣ намуда, дар ҷамъбаст бо гирифтани холи аз ҳама баланд, яъне 74,73 дастаи Гимназияи №74 шаҳри Душанбе ғолиби мутлақи озмун дониста шуд. Ғолибон бо туҳфаҳои арзишманд қадрдонӣ гардиданд.
АКС: Сарраёсати маорифи шаҳри Душанбе
«Гимназияи ба номи Ҷалол Икромӣ»-и ноҳияи Ховалинг барои 456 хонанда дар як баст пешбинӣ шудааст
«ШОҲНОМАХОНӢ». Дар Кӯлоб барои баргузории озмуни ҷумҳуриявӣ ҳамоиш доир гардид
Доир ба Истиқлолияти давлатӣ ва рушди саноати миллӣ конференсияи ҷумҳуриявӣ баргузор шуд
Истиқлолият ва таҳкими пояҳои давлатдорӣ дар партави рушди маориф
САМАРАИ ИСТИҚЛОЛИЯТ. Дар Тоҷикистон шумораи мактабҳои шакли нав бештар гардидааст
Дар давраи соҳибистиқлолии Тоҷикистон фанҳои табиию риёзӣ бештар рушд намуданд
МАОРИФ ВА ИСТИҚЛОЛИ ДАВЛАТӢ. Музди меҳнати кормандони ин соҳа давра ба давра беш аз 20 баробар зиёд карда шуд
МАОРИФ — ЗАМИНАИ УСТУВОРИ РУШДИ ВАҲДАТУ ИСТИҚЛОЛИЯТ. Дар ҳошияи суханронии Президенти Тоҷикистон дар Рӯзи дониш
ШУКУҲИ ИСТИҚЛОЛ. Таҳти ин унвон дар Донишгоҳи давлатии Бохтар ҳамоиш доир гардид
Дар шаҳри Турсунзода ба муносибати 34-солагии Истиқлоли давлатӣ ҷамъомади тантанавӣ баргузор гардид
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
Китоби «Тоҷикон» ба забони туркӣ рӯнамоӣ гардид
