Намояндагони Ваколатдор оид ба ҳуқуқи инсон дар Ҷумҳурии Тоҷикистон бо сокинони ноҳияи Шуғнон мулоқот намуданд
ХОРУҒ, 14.06.2023. /АМИТ «Ховар»/. Зимни мулоқоти намояндагони мақомоти Ваколатдор оид ба ҳуқуқи инсон дар Ҷумҳурии Тоҷикистон бо сокинони ноҳияи Шуғнон шарҳи Қонуни Ҷумҳурии Тоҷикистон «Дар бораи баробарӣ ва барҳамдиҳии ҳамагуна шаклҳои табъиз» аз ҷумлаи мавзӯъҳое буд, ки дар ин ҷамъомад баррасӣ шуд, хабар медиҳад мухбири минтақавии АМИТ «Ховар».
Дар мулоқот сардори шуъбаи ҳифзи давлатии ҳуқуқҳои иқтисодӣ, иҷтимоӣ ва фарҳангии мақомоти Ваколатдор оид ба ҳуқуқи инсон дар Ҷумҳурии Тоҷикистон Саидалӣ Бобохонзода изҳор дошт, ки дар давлати ҳуқуқбунёд қонунҳои ҳуқуқӣ нақши муҳим мебозанд.
«Вазифаи асосии ҳуқуқ ин танзими рафтори одамон, ташкилотҳо ва муносибатҳои байни онҳо мебошад. Риояи ин қоидаҳои рафтор, ки аз тарафи давлат муқаррар, қабул ва тасдиқ мешаванд, барои ҳамаи одамон ҳатмист ва набояд ба вайронкунии он роҳ дода шавад. Давлат бо тарзу шеваҳои гуногун барои одамон имконият фароҳам меорад, ки дар бораи ҳуқуқу озодиҳо ва уҳдадориҳои худ огоҳии комил дошта бошад», — афзуд ӯ.
Таъкид гардид, ки дар навбатии худ Ваколатдор оид ба ҳуқуқи инсон муаззаф аст, ки мутобиқи қонун кафолатҳои конститутсионии ҳимояи давлатии ҳуқуқ ва озодиҳои инсон ва шаҳрванд, мусоидат ба риоя ва эҳтироми онҳо аз тарафи мақомоти ҳокимияти давлатӣ, роҳбарон ва шахсони мансабдор сарфи назар аз шакли ташкилию ҳуқуқиашон таъмин намояд.
Гуфта шуд, ки дар Ҷумҳурии Тоҷикистон ҳама дар назди қонун ва суд баробаранд ва ба ҳифз аз ҳамагуна шаклҳои табъиз ҳуқуқ доранд. Ҳар касе ё гурӯҳе худро маврдиди табъиз эҳсос мекунанд, ҳуқуқ доранд, ки ба мақомоти судӣ ё мақомоти дигари давлатӣ муроҷиат намоянд. Мақомоти давлатӣ, мақомоти худидораи шаҳрак ва деҳот оид ба масъалаҳои таъмини баробарӣ ва барҳам додани ҳамагуна шаклҳои табъиз дорои салоҳият ва ваколати хос мебошанд. Ин пеш аз ҳама таъмини таҳия ва пешбурди сиёсати ягонаи давлатии зидди табъиз, бурдани корҳои миёнҷигарӣ оид ба баҳсҳои табъиз ва амсоли инҳо ба шумор мераванд.
Иттилоъ дода шуд, ки мулоқоти намояндагони Мақомоти Ваколатдор оид ба ҳуқуқи инсон дар Ҷумҳурии Тоҷикистон бо сокинони шаҳру ноҳияҳои вилоят идома дорад.
АКС: АМИТ «Ховар»
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
Дар Душанбе марҳилаи дуюми Лоиҳаи «Тавонмандсозии марказҳои матбуотӣ ва ҳамкории онҳо бо ВАО» оғоз ёфт
Дар вилояти Хатлон гардиши савдои хориҷӣ ба 210,2 миллион доллар баробар гардид
Имрӯз дар Тоҷикистон ҳавои тағйирёбанда дар назар аст
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
