ҶОМИ ОСИЁ-2023. Довари тоҷик Насрулло Кабиров бозии даври ниманиҳоӣ байни Эрон ва Ҷопонро ҳакамӣ менамояд
ДУШАНБЕ, 29.06.2023 /АМИТ «Ховар»/. Насрулло Кабирови 38-сола, довари Федератсияи байналмилалии футбол (ФИФА) аз Тоҷикистон довари марказии бозии даври ниманиҳоии Ҷоми Осиё-2023 (U-17) оид ба футбол байни дастаҳои наврасони Эрон ва Ҷопон таъйин шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Бозии мазкур имрӯз, 29 июн дар варзишгоҳи «Таммасат»-и шаҳри Патҳумтҳании Тайланд баргузор мешавад.
Ба Насрулло Кабиров дар хатҳо ёварони довари Федератсияи байналмилалии футбол Акмал Бӯриев аз Тоҷикистон ва Исмоилҷон Талипҷонов аз Қирғизистон кумак мерасонанд. Вазифаи довари чорумро довари Федератсияи байналмилалии футбол Аҳмад Файсал Ал-Алӣ аз Урдун иҷро мекунад. Владислав Сейтлин аз Узбекистон кори ҳайати доваронро назорат менамояд. Сардори Раёсати байналмилалии Федератсияи футболи Тоҷикистон Давлатманд Исломов ҳамчун ҳамоҳангсози кулл дар варзишгоҳи «Таммасат» фаъолият хоҳад намуд.
Бояд гуфт, ки барои Насрулло Кабирови 38-сола ин чаҳорумин бозӣ ба ҳайси довари марказӣ дар Ҷоми Осиё-2023 дар Таиланд байни дастаҳои наврасони то 17-сола хоҳад буд. Қаблан довари мо бозиҳои марҳилаи гурӯҳӣ: Ҳиндустон – Ветнам (1:1), Малайзия – Лаос (2:1) ва Ҷопон – Ҳиндустон (8:4)-ро ҳакамӣ карда, дар вохӯрии Афғонистон – Кореяи Ҷанубӣ (8:4) ва рақобати чорякниҳоӣ миёни Эрон – Яман (0:0, аз руйи пеналти – 4:2) ба ҳайси довари эҳтиётӣ адои вазифа намуд.
АКС: Федератсияи футболи Тоҷикистон
Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
