То охири соли равон Бонки осиёии рушд дар бахшҳои энергетика ва маориф ду лоиҳаи дигар қабул менамояд
ДУШАНБЕ, 02.06.2023. /АМИТ «Ховар»/. Дар шаҳри Душанбе намояндаи доимии Бонки осиёии рушд дар Ҷумҳурии Тоҷикистон хонум Шенни Кэмпбелл оид ба самараи ҳамкории Тоҷикистон ва Бонки осиёии рушд давоми 25 соли охир бо намояндагони ВАО мусоҳиба баргузор кард, ки дар он хабарнигори АМИТ «Ховар» низ иштирок намуд. Қабл аз оғози мусоҳиба Шенни Кэмпбелл аз зебоиҳои Тоҷикистон, обу ҳаво ва лаззати нотакрори меваҳои он бо завқи хосса изҳори назар карда, сипас оид ба ҷараёни татбиқи лоиҳаҳои ҷорӣ, инчунин нақшаҳои Бонки осиёии рушд (БОР) дар ояндаи наздик суҳбат намуд.
Аз ҷумла, иброз гардид, ки шуруъ аз соли 1998 бо дастгирии Бонки осиёии рушд зиёда аз 180 лоиҳаи ҳамкорӣ бо Ҷумҳурии Тоҷикистон ба маблағи 2,5 миллиард доллари ИМА пешниҳод ва амалӣ шудааст, ки аз ин ҳисоб 1,9 миллиард доллари ИМА ҳамчун грант (маблағгузории бебозгашт) мебошад.
Иттилоъ дода шуд, ки 34 фоизи грантҳо ба соҳаи нақлиёт, 24 фоиз ба соҳаи энегетика, 12 фоиз ба идоракунии бахши давлатӣ, 11 фоиз ба бахши кишоварзӣ ҷудо шуда, дар амал татбиқ карда шудааст. Ҳамчунин дар ин давра лоиҳаҳои грантии БОР дар бахшҳои тандурустӣ, маориф, рушди инфрасохторҳои шаҳрӣ татбиқ шудаанд.
Намояндаи доимии Бонки осиёии рушд дар Ҷумҳурии Тоҷикистон Шенни Кэмпбелл изҳор дошт, ки соли 2023 ду лоиҳаи нав пешниҳод мешавад, ки то охири сол аз тарафи раёсати БОР тасдиқ хоҳанд шуд. Лоиҳаи якум «Рушди энергетика» ва лоиҳаи дуюм «Васеъ намудани дастрасӣ ва баланд бардоштани сифати маълумоти умумӣ ва миёна дар бахши илмҳои табиӣ, технология, инженерия ва математика» номида шудааст.
Мавриди тазаккур аст, ки соли 2023 ба ҳамкории Тоҷикистон бо Бонки осиёии рушд 25 сол ва ба ифтитоҳи намояндагии Бонки осиёии рушд дар Ҷумҳурии Тоҷикистон 20 сол пур мешавад. Вобаста ба ин сафари кории Президенти Бонки осиёии рушд Масатсугу Асакава ба Тоҷикистон дар назар дошта шудааст.
Акрам САНГ,
АМИТ «Ховар»
АКС аз манбаъҳои боз
Форуми «Сармоягузорӣ ба илм ва навоварии ҷавонон: Назари минтақавии форуми ҷаҳонии озуқаворӣ барои Аврупо ва Осиёи Марказӣ» оғоз гардид
Дар Душанбе Конфронси 35-уми минтақавии Созмони озуқаворӣ ва кишоварзии СММ барои Аврупо ва Осиёи Марказӣ оғоз мешавад
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
Дар Суғд неругоҳи барқи офтобӣ бо иқтидори умумии 500 МВт сохта мешавад
ИҚТИСОДИ РАҚАМӢ ВА ИННОВАТСИЯ. Истифодаи самараноки технологияҳои иттилоотӣ омили муҳими пешрафти китобхонаҳо аст
ИСТИФОДАИ САМАРАНОКИ ЗАМИН. Кишоварзони ноҳияи Абдураҳмони Ҷомӣ бозорҳоро бо маҳсулоти босифат таъмин мекунанд
РУШДИ САНОАТ. Дар шаҳри Истиқлол сохтмони марҳилаи дуюми корхонаи металлургӣ идома дорад
Нигина Анварӣ: «Баргузории Конфронси ФАО дар Душанбе бозгӯи эътимоди ҷомеаи ҷаҳонӣ ба сиёсати пешгирифтаи Тоҷикистон ва саҳми фаъолонаи он дар рушди устувори кишоварзӣ аст»
Намояндагони воситаҳои ахбори омма бо фаъолияти дидбонгоҳи наздисарҳадии «Дӯстӣ» шинос шуданд
Тоҷикистон ва Туркия ҳамкориро дар соҳаи сайёҳӣ густариш медиҳанд
Дар Душанбе Ҷаласаи 11-уми минтақавии Шабакаи Осиёи Марказӣ оид ба ҳифзи гуногунии биологӣ баргузор гардид
