«Амирӣ», «Сиёма», «Шири Данғара» ва «Дӯсти Алишер» ғолибони Фестивали яхмос, дӯғоб, шарбати мева ва обҳои ташнагишикан гардиданд
ДУШАНБЕ, 03.07.2023 /АМИТ «Ховар»/. Дар Тоҷикистон даври ҷумҳуриявии Фестивали яхмос, дӯғоб, шарбати мева, обҳои ташнагишикан ва маҳсулоти қаннодию ҳалвопазӣ ҷамъбаст гардид. Дар асоси баҳогузории ҳакамон Ҷамъияти дорои масъулияти маҳдуди «Амирӣ» дар «Номинатсияи қаннодӣ», ширкати«Сиёма» дар «Номинатсияи обҳои ташнагишикан», Ҷамъияти дорои масъулияти маҳдуди «Шири Данғара» дар «Номинатсияи дӯғоб» ва ширкати «Дӯсти Алишер» дар «Номинатсияи яхмос» ғолибони Фестивали мазкур дониста шуда, сазовори ҷойҳои якум гардиданд.
Тавре ба АМИТ «Ховар» дар Вазорати саноат ва технологияҳои нави Ҷумҳурии Тоҷикистьон иттилоъ доданд, ғолибони Фестивали ҷумҳуриявии яхмос, дӯғоб, шарбати мева, обҳои ташнагишикан ва маҳсулоти қаннодию ҳалвопазӣ дар маросими тантанавӣ бо «Диплом»-у «Ифтихорнома»-ҳо ва туҳфаҳои хотиравӣ сарфароз шуданд.
Дар маросими ҷамъбасти даври ҷумҳуриявии Фестивал муовини Вазири саноат ва технологияҳои нави Ҷумҳурии Тоҷикистон Исоҷон Қурбонзода иштирок намуда, баргузории Фестивали ҷумҳуриявиро такони ҷиддӣ барои дар оянда иштирок дар фестивалҳои сатҳи ҷаҳонӣ арзёбӣ намуд.
«Ҳадаф аз баргузории Фестивали ҷумҳуриявии яхмос, дӯғоб, шарбати мева, обҳои ташнагишикан ва маҳсулоти қаннодию ҳалвопазӣ ин баланд бардоштани иқтидори истеҳсолию саноатӣ, беҳтар намудани сифати маҳсулоти ватанӣ, рушди соҳаи саноати хӯрокворӣ ва содироти ин навъи маҳслуот ба ҳориҷи мамлакат мебошад»,-тазаккур дод ў.
Бояд илова кард, ки дар даври ҷамъбастии Фестивали ҷумҳуриявӣ намоиши беҳтарин маҳсулоти истеҳсоли ватанӣ, назири маҳсулоти қаннодӣ, яхмос, дӯғоб, шарбати меваҳо ва обҳои гуногуни ташнагишикан доир гардид.
АКС:Вазорати саноат ва технологияҳои нави Ҷумҳурии Тоҷикистон
Дар Маркази тадқиқоти стратегӣ вазъи соҳаи роҳу нақлиёт ва таҳлили сатҳи рақамикунонии соҳа баррасӣ гардид
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
Тоҷикистон ва Арабистони Саудӣ ҳамкориро дар соҳаи энергетика густариш медиҳанд
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
