Дар Ашқобод масъалаи рушди ҳамкории тиҷоративу иқтисодӣ байни Тоҷикистон ва Туркманистон баррасӣ гардид
ДУШАНБЕ, 16.07.2023 /АМИТ «Ховар»/. 15-16 сафари расмии Вазири корҳои хориҷии Ҷумҳурии Тоҷикистон Сироҷиддин Муҳриддин ба Туркманистон баргузор шуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар доираи ин сафар Вазири корҳои хориҷии Ҷумҳурии Тоҷикистонро Президенти Туркманистон ба ҳузур пазируфт.
Сироҷиддин Муҳриддин паёму таманниёти неки Президенти Ҷумҳурии Тоҷикистон муҳтарам Эмомалӣ Раҳмонро ба Президенти Туркманистон муҳтарам Сардор Бердимуҳаммедов расонид.
Таъкид гардид, ки ба шарофати иродаи сиёсии сарони ду давлат ҳамкориҳои Тоҷикистону Туркманистон бемайлон рушд намуда, соли ҷорӣ ба сатҳи нави «шарикии амиқи стартегӣ» бароварда шуд.
Дар Ашқобод ҳамчунин мулоқоти вазирони корҳои хориҷии Тоҷикистон ва Туркманистон баргузор гардид, ки зимни он масъалаҳои муҳимми муносибатҳои давлат дар бахшҳои сиёсӣ, иқтисодӣ, гуманитарӣ ва ғайра баррасӣ гардида, роҷеъ ба ҳамкории ду кишвар дар доираи Созмони Миллали Муттаҳид (СММ), Иттиҳоди Давлатҳои Мустақил (ИДМ), Фонди байналмилалии наҷоти Арал (ФБНА) ва дигар созмонҳои минтақавию байналмилалӣ табодули афкор доир шуд.
Ҷонибҳо ҳамчунин атрофи масъалаҳои амнияти минтақавӣ ва вазъи Афғонистон ибрози назар карданд.
Зимни музокирот таваҷҷуҳи хоса ба харитаи роҳ оид ба татбиқи натиҷаҳои сафари давлатии Президенти Туркманистон ба Тоҷикистон дар нимаи аввали моҳи майи соли 2023 зоҳир гардид.
Вазирон ҳамчунин масъалаҳои омодагӣ ба ҷаласаи навбатии Комиссияи байниҳукуматии Тоҷикистону Туркманистон оид ба ҳамкориҳои тиҷоратию иқтисодӣ ва илмию техникиро, ки баргузории он тирамоҳи соли ҷорӣ дар шаҳри Душанбе дар назар аст, баррасӣ намуда, азму иродаи ҳарду ҷонибро баҳри афзоиш додани ҳаҷми савдои дуҷониба дар солҳои наздик тасдиқ намуданд.
Роҳбарони ниҳодҳои сиёсати хориҷии ду давлат масоили тайёрӣ ба Вохӯрии ҷашнии панҷуми машваратии сарони давлатҳои Осиёи Марказӣ ва ҷаласаи навбатии Шӯрои сарони давлатҳои муассиси Фонди байналмилалии наҷоти Аралро, ки қарор аст 14-15 сентябр дар Душанбе баргузор шаванд, муфассал баррасӣ намуданд. Дар ин замина изҳори боварӣ гардид, ки саммитҳои дарпешистодаи Душанбе раванди рушди ҳамкориҳои минтақавиро сифатан мукаммал хоҳанд намуд.
Натиҷаҳои сафари расмӣ моҳияти воқеан стратегии муносибатҳои Тоҷикистону Туркманистонро таъйид намуданд.
АКС: Вазорати корҳои хориҷии Ҷумҳурии Тоҷикистон
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
Байни Ҷумҳурии Тоҷикистон ва Ҷумҳурии Исломии Эрон санадҳои нави ҳамкорӣ ба имзо расиданд
Дар Душанбе мулоқоти роҳбарони хадамоти консулии Тоҷикистон ва Русия баргузор шуд
