Дар ноҳияи Деваштич маъракаи ғалладаравӣ идома дорад

Июль 23, 2023 14:59

СУҒД, 23.07.2023 /АМИТ «Ховар»/. Тирамоҳи соли сипаришуда ва аввали баҳори соли 2023 дар ҳамаи шаклҳои хоҷагидории ноҳияи дурдасти Деваштич дар майдони зиёда аз 28 ҳазору 460 гектар ғалладонагӣ кишт шуд. Имрӯз кишоварзони минтақаи поёни ноҳия дастранҷи хешро тавассути 60 комбайни ғалладарав бо сифати ҷавобгӯ ба талаботи қоидаҳои пешрафтаи агротехникӣ даравида, дар раванди таъмини бозори истеъмолӣ захираи дусолаи хонаводагиро таъмин намуда истодаанд, хабар доданд ба  мухбири минтақавии АМИТ «Ховар» Саъдулло Маҳкам дар мақомоти иҷроияи ҳокимияти давлатии  ноҳияи Деваштич.

«Тирамоҳи соли сипаришуда деҳқонон дар майдони 8 ҳазору 600 гектар ва аввали баҳори соли равон дар майдони зиёда аз 20 ҳазор гектар тухмиҳои элитӣ ва репродуксияҳои якуми ҷаву гандум ва дигар ғалладонагиро кишту парвариш намуданд. Бо иқдоми Мақомоти иҷроияи ҳокимияти давлатии ноҳия ва раёсати кишоварзӣ имрӯз ҷиҳати сари вақт ва беталаф ҷамъоварӣ намудани ҷаву гандум ва доир намудани кишти такрории дигар намуди зироат нақшаи чорабинии мушаххас тартиб дода шуда, аз комбайнҳо ва дигар таҷҳизоту воситаҳои ҷамъоварандаю тойбанд ва техникаҳои боркашон пурсамар истифода намуда истодаанд,- иброз дошт сардори Раёсати кишоварзии ноҳия М.Мирзоев.

Маъракаи ғалладаравӣ дар Ҷамоати деҳоти “Яхтан” ба охир расида, деҳқонони Ҷамоати деҳоти “Ғазантарак” ва ҷамоати шаҳраки “Ғончӣ” онро ба итмом расониданд.

Ҳамарӯза дар ғаллазори хоҷагиҳои кишоварзии ноҳияи Деваштич 60-64 комбайни ғалладарав фаъол буда, майдони 1800-2000 гектарро бо сифати баланд дарав менамоянд. Ҳосилнокии майдонҳо ба ҳисоби миёна 22 сентнерро ташкил дода, дар заминҳои обии минтақаи И.Сомонӣ, Ваҳдат, Далёни Боло аз 70 то 80 сентрро ташкил медиҳад.

“Имрӯзҳо саҳмдорони хоҷагиҳои деҳқонии инфиродию оилавӣ ва коргарону иҷоракорони кооперативҳои истеҳсолию тиҷоратӣ бо мақсади ҳарчӣ тезтар анҷом додани маъракаи дарав коҳу пахоли майдонҳоро ҷамъоварию той баста, тавассути  нақлиёти боркаш ва ядакҳои тракторӣ дар анборҳо захира месозанд,- илова намуд М.Мирзоев.

Ғаллакорон ҷиҳати пешгирии сӯхтори ногаҳонӣ ва бунёди хатҳои муҳофизатӣ дар атрофи ғаллазор кишти зироати техникиву сабзавотро ба роҳ мондаанд. Туфайли ташкили шароити муътадили корӣ то ин вақт дар ноҳия зиёда аз 18 ҳазор гектар бо сифати баланд дарав гардида, ҳосилнокии майдонҳо ба ҳисоби миёна аз 22 то 45 сентнерро ташкил медиҳад.

Акс:  Дафтари матбуоти Раиси ноҳияи Деваштич

 

Июль 23, 2023 14:59

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст