Дар шаҳри Хоруғ таҳкурсии пули дарозтарини мошингузар гузошта шуд
ХОРУҒ, 30.07.2023 /АМИТ «Ховар»/. Дар доираи таҷлили сазовори ҷашни 35-солагии Истиқлолияти давлатии Ҷумҳурии Тоҷикистон дар шаҳри Хоруғи Вилояти Мухтори Кӯҳистони Бадахшон бунёди калонтарин пули мошингузар аз болои дарёи Ғунд бо мақсади ба низом даровардани ҳаракати воситаҳои нақлиёт ва пешгирии танбашавӣ дар хиёбони марказии шаҳр оғоз гардид. Дар ин хусус мухбири минтақавии АМИТ «Ховар» Файз Мирасан хабар медиҳад.
Бунёди ин иншоот дар чаҳорчӯби сиёсати дарҳои бози Ҳукумати Ҷумҳурии Тоҷикистон бо Бонки ҷаҳонӣ амали мешавад. Марҳилаи чоруми «Барномаи беҳтар намудани роҳҳои алоқаи минтақавӣ дар Осиёи марказӣ» дар шаҳри Хоруғ моҳи июн оғоз гардида, дар айни ҳол сохтмончиён ба сангчинӣ дар дохили қафасҳои симин оғоз намудаанд. Тибқи нақшаи сохтмонӣ, ин деворҳои симтӯрдор бо баландии аз 9 то 12 метр дар ду қабат сохта хоҳанд шуд ва дохили қабатҳои симтӯр аз регу хок пур мешавад, ки усули наву босифати бунёди пулҳои муосир маънидод мегардад.
Фармоишгари сохтмони мазкур Вазорати нақлиёти Ҷумҳурии Тоҷикистон буда, паймонкори иншоот Ширкати роҳсозии Чайна Роуд мебошад.
Ба иттилои муҳандиси сохтмон Тсао Сяо Ян, дарозии пул 200 метр буда, паҳноии он 15 метрро ташкил медиҳад, ки аз он 10 метрро роҳи мошингард ва панҷ метрро роҳи пиёдагарди ду тарафи пул ташкил медиҳанд. Замину боғот ва хоҷагиҳои шахсие, ки дар масири сохтмони ин пул қарор доштанд, пурра аз маҳали сохтмон кӯчонида шуданд.
Тибқи лоиҳаи сохтмонӣ қарор аст, ки дар зери пули мошингузар барои пиёдагардон низ пул бунёд гардида, дар маҷмуъ барои пайваст шудан ба роҳи асосӣ 1 километру 90 метр роҳу пул бояд сохта шавад. Мутобиқи нақша, рӯзҳои наздик барои сари вақт анҷом додани корҳои сохтмонӣ техникаи иловагии корӣ, аз ҷумла 10 нақлиёти калонҳаҷми худрез, 6 экскаватор, 6 боркунаки фронталӣ, 2 обкаш, 2 грейдер ба кор ҷалб мегарданд.
Дар назар аст, ки дар муҳлати дуюним сол дар шаҳри Хоруғ калонтарин пули мошингузар мавриди истифода қарор гирад.
АКС: АМИТ «Ховар»
Сарвари давлат Эмомалӣ Раҳмон дар шаҳри Истаравшан ба таври фосилавӣ 2 муассисаи тандурустӣ, 1 бонк, 4 муассисаи таҳсилоти миёнаи умумӣ ва 3 кӯдакистонро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Истаравшан Муассисаи таҳсилоти томактабии хусусии «Мафтуна»-ро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан корхонаи бастубанди маҳсулоти маишию техникии ҶДММ «Файз Нур-ТВ»- ро ифтитоҳ намуданд
Пешвои миллат Эмомалӣ Раҳмон ба таври фосилавӣ 4 корхонаи саноатӣ дар шаҳри Хуҷанд, 1 хатти тақсимоти оби нӯшокӣ ва 2 хатти оби полезӣ дар ноҳияи Кӯҳистони Мастчоҳро мавриди баҳрабардорӣ қарор доданд
35-СОЛАГИИ ИСТИҚЛОЛИ ДАВЛАТӢ. Роҳҳои маҳаллӣ ва ҷумҳуриявии шаҳри Турсунзода мумфарш ва бетонпӯш карда шуданд
Сарвари давлат Эмомалӣ Раҳмон дар шаҳри Хуҷанд бинои нави маъмурии Минтақаи озоди иқтисодии Суғдро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркард ва бандубасти меваи хушки ҶДММ «Донаи алмос»- ро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Хуҷанд ба фаъолияти корхонаи истеҳсоли маҳсулоти ширии «Комплекси агросанотии Саховат» оғози расмӣ бахшиданд
Сарвари давлат Эмомалӣ Раҳмон Муассисаи томактабии хусусии «Кӯдакистони Арча»- ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Муассисаи таҳсилоти томактабии «Аркон»- ро мавриди истифода қарор доданд
Пешвои миллат Эмомалӣ Раҳмон дар шаҳри Хуҷанд Беморхонаи клиникии рақами 1 ва ба таври фосилавӣ ду маркази саломатиро дар ноҳияи Кӯҳистони Мастчоҳ ифтитоҳ намуданд
