«ДАСТАРХОНОРОӢ». Дар Хуҷанд даври вилоятии озмун доир шуд
ДУШАНБЕ, 28.07.2023. /АМИТ «Ховар»/. 26 июл дар шаҳри Хуҷанд даври вилоятии озмуни «Дастархонороӣ» баргузор гардид. Дар он мақоми аввалро кадбонуҳои шаҳри мазкур соҳиб гардида, ба озмуни ҷумҳуриявӣ роҳ ёфтанд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Даври аввали озмун дар шаҳру ноҳияҳои вилоят баргузор гардид. Дар даври вилоятии озмун ғолибон аз шаҳру ноҳияҳо иштирок намуданд.
Дар натиҷа ҷойи сеюм ба шаҳри Бӯстон ва ноҳияи Спитамен, ҷойи дуюм ба шаҳрҳои Исфара ва Панҷакент насиб гардид.
Ғолибони озмун бо сипосномаву туҳфаҳои мақомоти иҷроияи ҳокимияти давлатии вилоят сарфароз гардонида шуданд. Инчунин барои бо сифати баланду харҷи кам оростани дастархон ба намояндагони якчанд ҷамоати шаҳру ноҳияҳо сипосномаву туҳфаҳои хотиравӣ супорида шуданд.
Иброз гардид, ки миллати тамаддунсози тоҷик яке аз қадимтарин сокинони Осиёи Марказӣ маҳсуб шуда, на танҳо дар бахши омодасозии таомҳои миллӣ, балки дар дастархонороӣ низ маҳорати хосса дорад. Анъанаи дастархонороии тоҷикон бо санъати миллии хосса аз лиҳози усули оростани хон ва истифодаи анъанаҳои миллӣ дар ҷаҳон беназир аст.
Ҳадафи озмуни мазкур таъмини иҷрои Амри Президенти Ҷумҳурии Тоҷикистон ва эҳё намудани таомҳои миллӣ, фарҳанги рӯзгордорӣ, бо сифати баланд ва харҷи кам оростани дастархон дар тӯю маъракаҳо мебошад.
АКС: Хадамоти матбуоти Раиси вилояти Суғд
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
