Фурудгоҳи байналмилалии Душанбе қариб ба 1 миллион мусофир хизмат расонидааст
ДУШАНБЕ, 28.07.2023 /АМИТ «Ховар»/. Фурудгоҳи байналмилалии Душанбе дар шашмоҳаи аввали соли равон ба 991 ҳазор нафар хизмат расонидааст, ки ин нишондиҳанда нисбат ба ҳамин давраи соли гузашта 260 ҳазор нафар ё 30 фоиз зиёд мебошад. Дар ин хусус имрӯз ба намояндагони расонаҳои хабарии ватанӣ ва хориҷӣ директори Агентии авиатсияи граждании назди Ҳукумати Ҷумҳурии Тоҷикистон Дилшод Сафарзода зимни нишасти матбуотӣ иттилоъ дод.
Мавсуф афзуд, ки миқдори умумии бор ва почтаи аз Ҷамъияти саҳомии кушодаи «Фурудгоҳи байналмилалии Душанбе» қабул ва интиқолгардида дар ин давра 1551,2 тоннаро ташкил дод, ки дар қиёс ба шашмоҳаи якуми соли қаблӣ 589 тонна ё 61,2 фоиз зиёд аст. Таъкид шуд, ки дар ин давра шумораи умумии хатсайрҳои хизматрасонида 3395 ададро ташкил дод, ки аз ин омор 2792 ададаш хатсайрҳои мунтазам мебошанд.
Инчунин дар нишаст гуфта шуд, ки бо сабабҳои гуногун дар Фурудгоҳи байналмилалии Душанбе 42 ҳолати дер омадани бағоҷи мусофирон ба қайд гирифта шуда, ҳолати норасоӣ дар бағоҷ 16 адад ва осебёбии бағоҷи мусофирон 22 ададро ташкил дод. Омори батаъхирмонии парвоз 554 ададро ташкил дод, ки бархе аз он ба номусоидии вазъи ҳаво иртибот дорад.
Даромади Фурудгоҳи байналмилалии Душанбе дар ин давра беш аз 334,6 миллион сомониро ташкил дод, ки нисбат ба ҳамин давраи соли гузашта 1,5 миллион сомонӣ зиёд ва хароҷот 382,7 миллион сомониро ташкил намуд, ки нисбат ба нимсолаи якуми соли гузашта 79,7 миллион сомонӣ ё 26,3 фоиз зиёд мебошад.
Дар ин давра натиҷаи молиявии ҶСК «Фурудгоҳи байналмилалии Душанбе» 20,6 миллион сомонӣ фоидаро ташкил дод. Аз ин ҳисоб фурудгоҳи мазкур ба буҷети ҷумҳуриявӣ 18 миллиону 700 ҳазор сомонӣ пардохт намудааст.
Марзия САИДЗОДА,
АМИТ «Ховар»
АКС: АМИТ «Ховар»
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
