ХИЗМАТРАСОНИИ МАҶМУӢ БАРОИ МОДАР ВА КӮДАК. Дар ноҳияҳои Рашт ва Файзобод сохтмони иншооти тиббӣ идома дорад

Июль 24, 2023 18:25

ДУШАНБЕ, 24.07.2023. /АМИТ «Ховар»/. Вазири тандурустӣ ва ҳифзи иҷтимоии аҳолии Ҷумҳурии Тоҷикистон бо ҷараёни сохтмони иншооти тиббии ноҳияҳои Рашт ва Файзобод, ки дар доираи татбиқ гардидани Лоиҳаи «Хизматрасониҳои маҷмуӣ барои модар ва кӯдак» дар назди Вазорати тандурустӣ ва ҳифзи иҷтимоии аҳолии ҷумҳурӣ таҳти сарпарастии Бонки осиёии рушд амалӣ гардида истодааст, шинос шуд, иттилоъ медиҳад АМИТ «Ховар» бо истинод ба ин ниҳод.

Гуфта шуд, ки ҷараёни корҳои сохтмонӣ дар 3 ноҳияи таҷрибавии лоиҳа бо суръати баланд ҷараён дошта, дар назар аст, ки дар ноҳияи Файзобод маркази ташхису табобат, бинои беморхонаи марказӣ, бинои шуъбаи таваллуд мавриди навсозӣ ва таъмири куллӣ қарор дода шаванд. Ҳамзамон дар назди Беморхонаи марказии ноҳияи Файзобод сохтмони маркази ташхису табобат, таъмири бинои беморхонаи марказӣ ва шуъбаи таваллуд ҷараён дорад.

Дар ноҳияи Рашт сохтмон ва таъмиру тармими 4 бино, сохтмони маркази ташхису табобат, таъмири бинои беморхонаи марказӣ, Маркази саломатии ноҳиявӣ, бинои хобгоҳ барои занони ҳомила дар назар дошта шудааст. Аз рӯи ҳадафҳои татбиқ гардидани лоиҳа дар ноҳияи Шамсиддини Шоҳин дар қатори дигар самтҳои муҳим сохтмони беморхонаи марказӣ ва Маркази саломатии ноҳиявӣ дар назар дошта шудааст.

Ёдовар мшавем, ки Лоиҳаи «Хизматрасониҳои маҷмуӣ барои модар ва кӯдак» дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ки таҳти сарпарастии Бонки осиёии рушд аз соли 2019 инҷониб дар Ҷумҳурии Тоҷикистон фаъолият мебарад, ба боло бурдани вазъи хизматрасонӣ дар самти модару кӯдак нигаронида шудааст. Ҳадафи аслии фаъолияти лоиҳаи мазкур- беҳтарсозии фарогирии модарон ва кӯдакон бо хизматрасонии маҷмуии сифатнок оид ба ҳифзи саломатии модару кӯдак дар ноҳияҳои таҷрибавии Рашт ва Файзободи тобеи ҷумҳурӣ ва Шамсиддини Шоҳини вилояти Хатлон мебошад.

АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

 

Июль 24, 2023 18:25

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд