Кумитаи ҳолатҳои фавқулода ва мудофиаи гражданӣ барои наҷоти кӯҳнавардони хориҷӣ амалиёти махсус анҷом дод
ДУШАНБЕ, 25.07.2023. /АМИТ «Ховар»/. Тавре қаблан хабар дода будем, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои наҷоти кӯҳнавардони хориҷӣ ду амалиёти махсус анҷом дод.
20 июл, соати 15:30 ба шуъбаи навбатдории Кумита хабар расид, ки ду кӯҳнаварди хориҷӣ – шаҳрвандони Британия – Майкл Алан Фоулер, соли таваллудаш 1956 ва Саймон Андрев Йейтс, соли таваллудаш 1963, барои фатҳи қуллаи Патхор, воқеъ дар ҳудуди деҳаи Патхори Ҷамоати деҳоти Ванкали ноҳияи Шуғнон баромада, аз баландӣ сарозер шуда, ҷароҳат бардоштанд ва ба кумак ниёз доранд.
Наҷотдиҳандагони Раёсати Кумитаи ҳолатҳои фавқулода ва мудофиаи гражданӣ дар Вилояти Мухтори Кӯҳистони Бадахшон мавқеи ҷойгиршавӣ ва макони суқути кӯҳнавардонро муайян карда, ба кумак рафтанд.
Наҷотдиҳандагони Кумита 22 июл, соати 18:00 бо истифода аз замбурак Майкл Алан Фоулерро ба деҳаи Девлохи ноҳияи Рӯшон интиқол доданд. Наҷотдиҳандагон бинобар эҳтимоли шикастани сутунмӯҳраи Саймон Андреев Йейтс дар баландии 4184 метр дар наздикии қуллаи Патхор ҳамроҳи ӯ монданд. Пас аз расонидани ёрии аввалини тиббӣ ба фуромадан шуруъ карданд.
24 июл, соати 21:50 гурӯҳи наҷотдиҳандагони Кумита ӯро дар деҳаи Девлохи ноҳияи Рӯшон ба баландии 3277 метр фуроварда, шабро дар он ҷо сипарӣ намуда, субҳи 25 июл ҳаракатро идома доданд.
Қарор аст баъд аз зӯҳри имрӯз онҳоро тавассути чархбол ба шаҳри Душанбе интиқол диҳанд.
Ҳамзамон 22 июл, тахминан соати 16:28 гурӯҳи кӯҳнавардони маҳаллӣ дар ҳайати панҷ нафар аз Федератсияи Русия барои фатҳи қуллаи кӯҳ ба шаҳраки Поймазори ноҳияи Ванҷи Вилояти Мухтори Кӯҳистони Бадахшон рафтаанд. Ҳангоми фатҳи қуллаи яке аз кӯҳҳо шаҳрванди Федератсияи Русия Герман Яртсев, соли таваллудаш 1973 аз эҳтимоли пайдо шудани бемории шуш шикоят кардааст. Роҳбари гурӯҳ – Яна Уляничева барои кумак ба Кумита муроҷиат кардааст. 24 июл панҷ сайёҳи рус тавассути ҳавопаймои Сарраёсати Қӯшунҳои сарҳадии Кумитаи давлатии амнияти миллии Тоҷикистон интиқол ёфта, ба Фурудгоҳи байналмилалии Душанбе интиқол дода шуданд. Герман Яртсев бо мошини ёрии таъҷилии Госпитали ҳарбии Кумита ба бемористони «Истиқлол»-и шаҳри Душанбе интиқол ёфт.
София ШОИК,
АМИТ «Ховар»
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
ТАЪЛИМОТИ ҒАЙРИРАСМИИ ДИНӢ-ТАҲДИД БА ОЯНДАИ ҶОМЕА. Ва ё чаро ҳуқуқи кӯдакон ба таҳсили қонунӣ поймол мегардад?
Терроризм ва экстремизм хатари минтақавию байналмилалӣ дорад
ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРӢ. Дар ду соли охир дар садамаҳои роҳу нақлиёт зиёда аз ҳазор нафар ба ҳалокат расидааст
Прокурори генералии Тоҷикистон бо Сафири Иттиҳоди Аврупо масоили марбут ба ҳамкорӣ дар соҳаи амниятро баррасӣ намуд
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
