Вазорати кишоварзӣ: Бо татбиқи имтиёз ба соҳаи парандапарварӣ шумораи корхонаҳо ба 222 адад расид
ДУШАНБЕ, 31.07.2023. /АМИТ «Ховар»/. Татбиқи амалии имтиёзҳои ҷоринамудаи Ҳукумати Ҷумҳурии Тоҷикистон ба соҳаи парандапарварӣ ба рушди соҳа такони ҷиддӣ бахшид. Аз 65 корхонаи парандапарварие, ки соли 2017 фаъолият мекарданд, бо ҷорӣ гардидани имтиёз дар Тоҷикистон шумораи онҳо ҳоло ба 222 адад расидааст. Дар ин хусус имрӯз зимни нишасти матбуотӣ Вазири кишоварзии мамлакат Қурбон Ҳакимзода иттилоъ дод.
Ба гуфтаи Вазири кишоварзӣ, тибқи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон» ва «Дар бораи ворид намудани тағйиру иловаҳо ба Кодекси гумруки Ҷумҳурии Тоҷикистон» аз 21 феврали соли 2018 соҳаи парандапарварӣ аз пардохти андозҳо ба муҳлати 6 сол, инчунин воридоти технологияву таҷҳизот ва мавод барои таъминоти соҳа аз ҳамаи андозу пардохтҳо озод гардид. Ҳамзамон татбиқи амалии имтиёзҳои мазкур ба пешрафти соҳа такони ҷиддӣ бахшид.
Зимни нишаст иттилоъ дода шуд, ки дар айни замон дар ҷумҳурӣ 222 корхонаи парандапарварӣ фаъолият доранд, ки нисбат ба ҳамин давраи соли гузашта 10 адад зиёд аст. Аз ҷумла, 100 корхона ба истеҳсоли тухми истеъмолӣ, 108 адад ба истеҳсоли гӯшти паранда, 8 адад ба истеҳсоли тухм ва гӯшти паранда ва 6 адад ба истеҳсоли тухми инкубатсионӣ, чӯҷаи якрӯза ва тухми истеъмолӣ машғул мебошанд.
АКС: АМИТ «Ховар»
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
