Амалиёти навбатӣ барои наҷоти кӯҳнавардони рус анҷом ёфт

Август 21, 2023 18:49

ДУШАНБЕ, 21.08.2023. /АМИТ «Ховар»/. 19 август Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон амалиёти таҳлияи кӯҳнавардони русро ба шаҳри Душанбе, ки ҳангоми фаромадан аз қуллаи Корженевская ҷароҳат бардошта буданд, оғоз намуд. Дар ин хусус АМИТ «Ховар» бо истинод ба Кумитаи мазкур хабар медиҳад.

18 августи соли 2023 ҳангоми фуромадани 13 кӯҳнаварди рус аз қуллаи Корженевская (7105 метр) як нафари онҳо ба қаъри 300 метр сарозер шуда, маҷруҳ гардид ва се нафари дигар низ ба ёрии тиббӣ ниёз доштанд. Кӯҳнавардон Олег Персикови 38-сола, сокини вилояти Москваро (бо қабурғаҳои шикаста ва сармохӯрии ангуштон) ба теппаи Москвин бурда, бонги изтироб заданд.

19 август як чархболи ширкати «Сомон Эйр» ҷудо гардид, ки соати 12:54 ба ноҳияи Лахш парвоз намуд ва соати 15:27 аз истгоҳи пойгоҳ дар марғзори Москвин (баландии 4300 метр) осебдидагон ба шаҳри Душанбе интиқол дода шуданд.

Маҷруҳонро бо мошини ёрии таъҷилии Кумита ба беморхонаи Истиқлол интиқол дода, ба онҳо ёрии тиббӣ расониданд. Ҳоло кӯҳнавардҳо худро хуб ҳис карда, таҳти назорати табибон қарор доранд.

АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон

 

Август 21, 2023 18:49

Хабарҳои дигари ин бахш

Раёсати Шурои ҳамоҳангсозии мақомоти зиддимухаддиротии СААД дар соли 2027 ба Тоҷикистон гузашт
Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид