БА ДАРС БЕ КИТОБУ ДАФТАР? Вазири маориф ва илм аз волидайн даъват намуд, ки ҷузвдони фарзандонашонро аз назар гузаронанд
ДУШАНБЕ, 01.08.2023. АМИТ/«Ховар»/. Вазири маориф ва илми Ҷумҳурии Тоҷикистон Раҳим Саидзода имрӯз зимни нишасти матбуотӣ аз падару модари хонандагоне, ки дар дарсҳо бе китобу дафтар ҳозир мешаванд, даъват намуд, ки пеш аз ба дарс рафтан ҷузвдони фарзандони худро аз назар гузаронанд.
Зеро ба гуфтаи ӯ, «ҳолатҳои зиёде ба назар мерасанд, ки хонандагон бе китобу дафтар ва лавозимоти хониш ба мактаб меоянд. Дар ҳоле, ки аз ҷониби Ҳукумати мамлакат ва Вазорати маориф ва илм барои таъминоти хонандагон бо китобҳои дарсӣ тамоми имконият фароҳам оварда шудааст».
Тавре иттилоъ дода шуд, дар шашмоҳаи аввали соли 2023 раёсат ва шуъбаҳои маорифи шаҳру ноҳияҳои мамлакат бо 89 номгӯй китоби дарсӣ ба миқдори 3 млн 475 ҳазору 750 нусха таъмин шуданд, ки ин 51 фоизи дархости шаҳру ноҳияҳои мамлакатро ташкил медиҳад.
Дар айни ҳол дар ширкатҳои ватанӣ 82 номгӯй китобҳои дарсӣ ба миқдори 3 млн 167 ҳазор дар ҳоли нашр қарор доранд, ки то оғози соли таҳсил ба раёсату шуъбаҳои маорифи шаҳру ноҳияҳо ирсол мешавад.
Зарангези ЛАТИФ,
АМИТ «Ховар»
АКС: АМИТ «Ховар»
Донишҷӯёни Академияи идоракунии давлатии Тоҷикистон дар Донишгоҳи Ланҷоуи Чин табодули таҷриба менамоянд
Дар вилояти Суғд шумораи мактабҳо ва хонандагон бештар гардидааст
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
