БА ИФТИХОРИ 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Ҳисор 400 иншооти гуногун ба истифода дода шуданд
ҲИСОР, 09.08.2023 /АМИТ «Ховар»/. Дар доираи ҷашни 35-солагии Истиқлолияти давлатии Ҷумҳурии Тоҷикистон дар ҳамкорӣ бо соҳибкорон дар маркази шаҳри Ҳисор ва ҷамоатҳои шаҳраку деҳот корҳои ободонӣ вусъат ёфта, бунёду барқарорсозии 1675 иншооти таъйиноти гуногун ба нақша гирифта шудааст. Аз ин 38 корхонаи истеҳсолию саноатӣ, 40 иншооти соҳаи кишоварзӣ, 60 иншооти соҳаи маориф, 44 иншооти соҳаи тандурустӣ, 11 иншооти соҳаи фарҳанг, 54 иншооти соҳаи варзиш, 11 иншооти соҳаи сайёҳӣ ва дигар иншоот мебошанд. То имрӯз аз шумораи умумии иншооти ҷашнӣ 400 иншоот аз қабили 7 коргоҳи саноатӣ, 4 иншооти соҳаи тандурустӣ 10 бинои истиқоматӣ, 3 бинои соҳаи маориф 39 маркази хизматрасонӣ, 10 бинои истиқоматӣ, 69 иншооти савдо ва 170 иншооти дигар ба истифода дода шуданд. Дар ин хусус имрӯз зимни нишасти матбуотӣ Раиси шаҳри Ҳисор Қосим Роҳбар ба хабарнигорон иттилоъ дод.
Мавсуф гуфт, ки аз ҳисоби лоиҳаи CASA-1000 дар биноҳои иловагии муассисаҳои таълимии рақами 61 ва 65 корҳои сохтмонӣ ва аз ҳисоби соҳибкорону аҳолӣ дар 25 муассисаи таълимии шаҳр сохтмони 122 синфхонаи иловагӣ идома дорад. Ҳамчунин сохтмони муассисаи таълимии маҳаллаи Ҷамоати деҳоти Ҳисор барои 640 нафар ва муассисаи таълимии деҳаи Гулрези Ҷамоати деҳоти Сомон барои 280 нафар хонанда оғоз гардидааст.
Иброз гардид, ки дар шаш моҳи соли 2023 суръати рушди ҳаҷми истеҳсоли маҳсулоти минтақавӣ 108,4 фоиз ва нақшаи андозҳо ва дигар пардохтҳои ҳатмӣ 101 фоиз иҷро гардид. Рушди соҳаи саноат дар шаш моҳи соли равон дар шаҳри Ҳисор ба 101,1 фоиз, кишоварзӣ- 102 фоиз, хизматрасонии пулакӣ- 104,4 фоиз, гардиши савдо- 105,5 фоиз ва маблағгузорӣ ба соҳаи сохтмон ба 149,6 фоиз расонида шудааст.
Раиси шаҳри Ҳисор дар нишасти матбуотӣ ба саволҳои намояндагони воситаҳои ахбори омма доир ба рушди самтҳои дигари соҳаҳои иқтисодию иҷтимоии шаҳр, нақшаю дурнамо барои ба шаҳри муосири саноатӣ табдил додани Ҳисор, омодагӣ ва дар сатҳи баланд таҷлил намудани ҷашни 35-солагии Истиқлолияти давлатии Тоҷикистон посух дод.
Субҳониддини МАҲМУД,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон муассисаҳои соҳаи маориф бунёд мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон беш аз 200 иншооти таъйиноти гуногун сохта мешавад
Дар шоҳроҳи Ёвон-Душанбе маъракаи ниҳолшинонӣ оғоз ёфт
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
