БАХШИДА БА СОЛҲОИ РУШДИ САНОАТ. Дар шаҳри Ваҳдат 92 корхонаю коргоҳи истеҳсолӣ бунёд мегардад
ВАҲДАТ, 15.08.2023 /АМИТ «Ховар»/. Ба ифтихори Солҳои рушди саноат (2022-2026) ва баҳри саноатикунонии шаҳри Ваҳдат дар шаш моҳи соли 2023 аз ҳисоби соҳибкорон дар шаҳр нуҳ коргоҳи нави саноатӣ ба фаъолият оғоз намуд. Дар ин давра дар 21 корхонаи саноатии шаҳр истеҳсоли маҳсулот зиёд карда шуд. Ҳаҷми истеҳсоли маҳсулоти саноатӣ дар корхонаҳои расман сабтшуда дар шашмоҳаи аввали соли равон 496 миллиону 566 ҳазору сомониро ташкил дод. Чунин иттилоъ дод ба хабарнигорон Раиси шаҳри Ваҳдат Мирзо Исмоилзода зимни нишасти матбуотӣ
Ҳамзамон зимни нишасти матбуотӣ гуфта шуд, ки дар шаҳри Ваҳдат бахшида ба ҷашни бузурги миллӣ — 35-солагии Истиқлолияти давлати Ҷумҳурии Тоҷикистон бунёд ва ба истифода додани 808 иншоот, аз ҷумла 92 корхонаю коргоҳи саноатӣ, 51 иншооти соҳаи тандурустӣ, 119 иншооти соҳаи маориф, 23 иншооти варзишӣ, 24 иншооти фарҳангӣ, 212 иншооти хизматрасонӣ, 106 бинои истиқоматӣ ва дигар иншооти мухталиф ба нақша гирифта шудааст. То ин давра 190 иншоот мавриди баҳрабардорӣ қарор дода шуда, дар қисми зиёди иншооти гуногун корҳои сохтмонию навсозӣ идома доранд.
Гуфта шуд, ки дар шаш моҳи соли равон дар ҳудуди шаҳри Ваҳдат 18 ҳодисаи сӯхтор ба қайд гирифта шуда, сари вақт хомӯш гардид ва 17 нафар наҷот дода шуданд. Зарари молиявӣ аз сӯхтор 580,8 ҳазор сомониро ташкил медиҳад, ки нисбат ба ҳамин давраи соли гузашта 7 ҳодисаи сӯхтор ва 464 ҳазор сомонӣ зиёд мебошад. Амволи наҷотдода дар ин давра 4 миллиону 73 ҳазор сомониро ташкил медиҳад, ки нисбат ба ҳамин давраи соли гузашта 2 миллиону 794 ҳазор сомонӣ зиёд мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
Ба ифтихори ҷашни 35-солагии Истиқлоли давлатӣ дар Тоҷикистон 26 ҳазор иншооту биноҳо ба истифода дода шудааст
Соли 2026 «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» эълон гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон муассисаҳои соҳаи маориф бунёд мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон беш аз 200 иншооти таъйиноти гуногун сохта мешавад
Дар шоҳроҳи Ёвон-Душанбе маъракаи ниҳолшинонӣ оғоз ёфт
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
