Дар Душанбе намоиши ҳунарҳои кишоварзӣ ва мардумии ноҳияҳои Муъминобод ва Шамсиддини Шоҳин доир шуд
ДУШАНБЕ, 28.08.2023. /АМИТ «Ховар»/. Дар «Боғи Ҷавонон»-и шаҳри Душанбе намоиши маҳсулоти кишоварзӣ, ҳунарҳои мардумӣ ва барномаи фарҳангиву фароғатии ноҳияи Шамсиддини Шоҳин ва ноҳияи Муъминобод баргузор шуд, хабар медиҳад АМИТ «Ховар».
Дар намоиш сокинони ноҳияи Шамсиддини Шоҳин ва Муъминобод иштирок намуда, маҳсули дастранҷи худро пешниҳоди сокинони пойтахт гардониданд.
Дар даромадгоҳи боғ меҳмононро гулдухтарони чаканпӯши ноҳия бо нону намак ва шеъру гулдастаҳо хайрамақдам гуфтанд. Сипас меҳмонону сокинони шаҳри Душанбе бо намоиши маҳсулоти кишоварзӣ, ҳунарҳои мардумӣ (чакандӯзӣ, қӯроқдӯзӣ, заргарӣ, муҳрабофӣ, шерозбофӣ, бофандагӣ, табақтарошӣ, дуредгарӣ, сабадбофӣ, чӯбтарошӣ, оҳангарӣ, чармдӯзӣ, гилембофӣ) ва дигар маҳсулоти саноатӣ шинос шуданд.
Дар як тарафи боғ занони доиразан бо чеҳраҳои хандон ва гулдухтарон бо либосҳои миллӣ рақсу хурсандӣ доштанд. Маҳсулоти омоданамудаи занон диққати бинандагонро ба худ мекашид.
Инчунин варзишгарони ноҳия намудҳои гуногуни бозиҳои варзиширо намоиш доданд.
Инчунин дар гӯшаи дигари боғ хона барои арӯсу домод омода ва бо ҷиҳози арӯсӣ муҷаҳҳаз гардида, ба навхонадорон шаҳодатномаи ақди никоҳ супорида шуд.
Ба сокинону меҳмонон барномаи ҳунарии санъаткорони шинохтаи Тоҷикистон Давлатманд Холов, Файзалӣ Ҳасанов, Ҷумахон Сафаров, Содиқ Холов ва дигар ҳунармандони ноҳия дар сатҳи баланд пешниҳод гардид.
Аз тарафи Мақомоти иҷроияи ҳокимияти давлатии ноҳияи Сино барои иштироки фаъолона ва дар сатҳи баланд гузаронидани намоиши мазкур иштирокчиёни ноҳияҳои Шамсиддини Шоҳин ва ноҳияи Муъминобод бо ифтихорнома сарфароз гардонида шуданд.
АКС аз манбаъҳои боз
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
