Дар шаҳри Варшаваи Лаҳистон масъалаҳои вобаста ба табъиз баррасӣ шуданд
ДУШАНБЕ, 11.08.2023. /АМИТ «Ховар»/. Ҳайати кории Ҷумҳурии Тоҷикистон дар шаҳри Варшаваи Ҷумҳурии Лаҳистон қарор дошта, масъалаҳои марбут ба баробарӣ ва барҳам додани ҳама гуна шаклҳои табъизро бо сохторҳои мухталифи Ҷумҳурии Лаҳистон баррасӣ менамояд. Дар ин хусус АМИТ «Ховар» бо истинод ба Хадамоти матбуоти Ваколатдор оид ба ҳуқуқи инсон хабар медиҳад.
Ҳайати мазкур 8 август бо Директори Раёсати кишварҳои шарқии Вазорати корҳои хориҷии Ҷумҳурии Лаҳистон масъалаҳои ҳамкории бисёрҷониба ва дуҷонибаи Ҷумҳурии Тоҷикистон ва Ҷумҳурии Лаҳистонро дар самти ҳуқуқи инсон баррасӣ намуд.
9 август Ваколатдор оид ба ҳуқуқи инсон бо Ваколатдор оид ба ҳуқуқи инсони Ҷумҳурии Лаҳистон вохӯрӣ намуд. Зимни вохӯрии мазкур намояндаи Тоҷикистон оид ба дастовардҳои Ҷумҳурии Тоҷикистон дар самти ҳуқуқи инсон, хусусан қабули Қонуни Ҷумҳурии Тоҷикистон «Дар бораи баробарӣ ва барҳам додани ҳама гуна шаклҳои табъиз», ки ҷиҳати иҷрои уҳдадориҳои байналмилалии Ҷумҳурии Тоҷикистон соли гузашта қабул гардид, изҳори назар намуд.
Ҳамин тариқ, вохӯриҳои ҳайати Ҷумҳурии Тоҷикистон дар Ҷумҳурии Лаҳистон то 13 август идома меёбанд. Дар назар аст, ки онҳо бо сохторҳои дигари Ҷумҳурии Лаҳистон дар самтҳои гуногуни ҳуқуқи инсон вохӯриҳо анҷом диҳанд.
АКС: Хадамоти матбуоти Ваколатдор оид ба ҳуқуқи инсон








Консули генералии Тоҷикистон дар шаҳри Новосибирск бо донишҷӯёни тоҷик ва намояндагони ҷамъиятҳои тоҷикони муқими минтақаи Сибир мулоқот намуд
Имкониятҳои сайёҳии Тоҷикистон дар Озарбойҷон муаррифӣ гардид
Густариши робитаҳои корӣ байни доираҳои соҳибкории Тоҷикистон ва вилояти Кургани Русия баррасӣ гардид
Дар Минск имконоти сармоягузории Тоҷикистон муаррифӣ гардид
Дар Душанбе нашри олмонии китоби «Тоҷикон» муаррифӣ гардид
Сафири Тоҷикистон бо муовини Президенти Эрон вохӯрӣ намуд
Дар Москва бахшида ба 1050-солагии Робиаи Балхӣ конфронси байналмилалии илмӣ-амалӣ баргузор гардид
Консули генералии Тоҷикистон дар Екатеринбург бо муовини губернатори вилояти Курган мулоқот намуд
Дар Миср китоби «Тоҷикистон-гаҳвораи таърих ва тамаддун дар Мовароуннаҳр (Осиёи Марказӣ)» муаррифӣ гардид
Масоили рушди ҳамкорӣ дар соҳаҳои энергетика ва захираҳои об байни Тоҷикистону Умон баррасӣ гардид
Дар Санкт-Петербург вохӯрии намояндаи бахши тиҷоратии Тоҷикистону Русия баргузор гардид
Сафири Тоҷикистон бо устондори Ал-Осимаи Кувайт вохӯрӣ намуд






