Дар шаш моҳи соли равон зиёда аз 60 млн сомонӣ маблағи андозҳо ба таври ғайринақдӣ пардохт шудааст
ДУШАНБЕ, 14.08.2023 /АМИТ «Ховар»/. Тибқи маълумоти КВД «Бонки амонатгузории Ҷумҳурии Тоҷикистон «Амонатбонк», дар шаш моҳи соли 2023 тавассути ПОС – терминалҳо ва ҳамёни электронии «Амонат мобайл» дар маҷмуъ қариб 214 ҳазор шаҳрванд ва андозсупоранда ба маблағи зиёда аз 60 млн сомонӣ андозҳоро ба таври ғайринақдӣ ба буҷет пардохт намуданд. Дар ин хусус имрӯз зимни нишасти матбуотӣ Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода баён дошт.
Нусратулло Давлатзода гуфт, ки «бо мақсади иҷрои Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» барои тақвият бахшидан ба ҳисоббаробаркуниҳои ғайринақдӣ аз ҷониби Кумитаи андоз бо аксарияти бонкҳо ва ташкилоти қарзии молиявӣ созишномаҳо ҷиҳати ба таври ғайринақдӣ қабул намудани андозҳо ва дигар пардохтҳои ҳатмӣ ба имзо расонида шуданд. Тавассути замимаҳои мобилии онҳо дар айни замон ба таври ғайринақдӣ қабул намудани пардохти андозҳо ва дигар пардохтҳои ҳатмӣ ба буҷет амалӣ шуда истодааст.
Дар филиалу шуъбаҳои Бонки амонатгузории «Амонатбонк» ПОС – терминалҳо насб шудаанд, ки тавассути таҷҳизоти мазкур шаҳрвандон ва андозсупорандагон бо истифода аз кортҳои бонкӣ маблағи андозҳоро ба таври ғайринақдӣ ба буҷет пардохт намуда истодаанд.
Раъно Нусратулло,
АМИТ «Ховар»
АКС: АМИТ «Ховар»
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
Ҳайати Хадамоти гумруки Тоҷикистон дар ҷаласа доир ба татбиқи методологияи «Таҳқиқоти вақти иҷозати мол» иштирок намуд
Ҷаласаи миллӣ оид ба таҳияи дастурамалҳои рушди устувори гидроэнергетикаи хурд баргузор шуд
Масъалаи афзоиши содироти маҳсулоти кишоварзии Тоҷикистон ба Русия баррасӣ гардид
Ҳамкории Тоҷикистон ва Узбекистон дар муқовимат ба коррупсия густариш меёбад
ҚУРБИ АСЪОР: 1 доллари ИМА аз 9.4627 то 9.4800 сомонӣ муқаррар шудааст
Дар шаҳри Остона масоили омодагӣ ба Саммити минтақавии экологӣ баррасӣ гардид
Соли 2025 ба Тоҷикистон дар ҳаҷми 8 миллиарду 295,6 миллион доллар молу маҳсулот ворид карда шуд
