Директори АМИТ «Ховар» бо Сафири Ҷумҳурии Исломии Покистон мулоқот намуд

Август 23, 2023 14:43

ДУШАНБЕ, 23.08.2023 /АМИТ «Ховар»/. Имрӯз Директори Агентии миллии иттилоотии Тоҷикистон «Ховар» Субҳиддин Шамсиддинзода бо Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Муҳаммад Саид Сарвар мулоқот намуд.

Дар оғози мулоқот Субҳиддин Шамсиддинзода дар бораи рушди муносибатҳои дуҷонибаи Тоҷикистон ва Покистон, иқдомҳои роҳбарияти олии ду давлат дар таҳкими робитаҳои гуногунҷанбаи ду мамлакат, аз ҷумла дар чорчӯби ташкилотҳои байналмилалӣ ва минтақавӣ, ки тарафҳо узвият доранд, инчунин моҳияти сиёсати «дарҳои боз»-и Ҳукумати Тоҷикистон ва нақши ВАО дар таҳкими муносибатҳои байнидавлатӣ шарҳи муфассалеро баён дошт.

Дар зимн иброз шуд, ки имконоти АМИТ «Ховар» ба сифати мақомоти марказии иттилоотии Ҷумҳурии Тоҷикистон дар инъикоси ҳодисаву рӯйдодҳои марбут ба Тоҷикистон ва Покистон, муаррифии имконияти мавҷуда дар таҳкими ҳамкории дуҷониба дар соҳаҳои сиёсӣ, иқтисодӣ, илмӣ-фарҳангӣ, сайёҳӣ ва ғайра тавассути сомонаи расмӣ ва Радиои «ҒМ Ховар»-и Агентӣ метавонанд боз ҳам бештар ва  самараноктар мавриди истифода қарор гиранд.

Таъкид шуд, ки тақвият бахшидан ба робитаҳои дуҷониба дар соҳаи иттилоот ба муносиботи рӯ ба рушди ду давлат дар арсаҳои мухталиф муассир бошад.

Дар навбати худ Сафири Ҷумҳурии Исломии Покистон нақши хабаргузориҳои иттилоотиро дар таҳкими муносибатҳои дуҷониба муҳим дониста, омодагии намояндагии дипломатиро баҳри мусоидат ба таҳкими робитаҳои иттилоотӣ таъкид намуд.

Изҳори умед шуд, ки минбаъд ҳамкорӣ дар соҳаи иттилоот, аз ҷумла байни Агентии миллии иттилоотии Тоҷикистон «Ховар» ва хабаргузории марказии Ҷумҳурии Исломии Покистон «Associated Press of Pakistan» ривоҷи бештар меёбад.

АКС: АМИТ «Ховар»

 

Август 23, 2023 14:43

Хабарҳои дигари ин бахш

Консули генералии Тоҷикистон дар шаҳри Новосибирск бо донишҷӯёни тоҷик ва намояндагони ҷамъиятҳои тоҷикони муқими минтақаи Сибир мулоқот намуд
Имкониятҳои сайёҳии Тоҷикистон дар Озарбойҷон муаррифӣ гардид
Густариши робитаҳои корӣ байни доираҳои соҳибкории Тоҷикистон ва вилояти Кургани Русия баррасӣ гардид
Дар Минск имконоти сармоягузории Тоҷикистон муаррифӣ гардид
Дар Душанбе нашри олмонии китоби «Тоҷикон» муаррифӣ гардид
Сафири Тоҷикистон бо муовини Президенти Эрон вохӯрӣ намуд
Дар Москва бахшида ба 1050-солагии Робиаи Балхӣ конфронси байналмилалии илмӣ-амалӣ баргузор гардид
Консули генералии Тоҷикистон дар Екатеринбург бо муовини губернатори вилояти Курган мулоқот намуд
Дар Миср китоби «Тоҷикистон-гаҳвораи таърих ва тамаддун дар Мовароуннаҳр (Осиёи Марказӣ)» муаррифӣ гардид
Масоили рушди ҳамкорӣ дар соҳаҳои энергетика ва захираҳои об байни Тоҷикистону Умон баррасӣ гардид
Дар Санкт-Петербург вохӯрии намояндаи бахши тиҷоратии Тоҷикистону Русия баргузор гардид
Сафири Тоҷикистон бо устондори Ал-Осимаи Кувайт вохӯрӣ намуд