Донишгоҳи технологии Тоҷикистон бо 11 муассисаи таҳсилоти олии касбии ҷаҳон шартнома ба имзо расонидааст
ДУШАНБЕ, 01.08.2023. /АМИТ «Ховар»/. Дар шашмоҳаи аввали соли 2023 Донишгоҳи технологии Тоҷикистон бо 11 муассисаи таҳсилоти олии касбӣ, созмону ширкатҳои хориҷӣ ҷиҳати ба роҳ мондани ҳамкории байналмилалӣ шартнома ва созишномаҳои тарафайн ба имзо расонидааст. Чунин иттилоъ дод ректори Донишгоҳи технологӣ Илҳом Амонзода имрӯз зимни нишасти матбуотӣ ба рӯзноманигорон.
Иброз гардид, ки соли 2023 низ донишгоҳ дар амалӣ гардидани 5 лоиҳаи Барномаи ЭРАСМУС+ Иттиҳоди Аврупо Лоиҳаи «Таҳсилоти касбӣ барои бахшҳои рушди иқтисодӣ дар Осиёи Марказӣ» –и Созмони ҳамкории байналмилалии Олмон (GIZ), лоиҳаҳои Ташкилоти Кореягии WTIT «Интиқоли технологияҳои коммуникатсионии глобалӣ», Маркази байналмилалии тиҷоратӣ (ITC) фаъолона иштирок намуда истодааст, ки амалишавии бештари онҳо солҳои оянда низ идома меёбад.
Раванди мубодилаи донишҷӯён ва омӯзгорон дар мувофиқа бо созишномаҳои байни Донишгоҳи технологии Тоҷикистон ва донишгоҳҳои шарики барномаҳои байналмилалӣ, аз ҷумла барномаи мубодилаи академии Erasmus+ KA107, лоиҳаи «Маълумоти касбӣ ва такмили ихтисос дар Осиёи Марказӣ» ва «Таҳсилоти касбӣ барои бахшҳои рушди иқтисодӣ дар Осиёи Марказӣ»–и Созмони ҳамкории байналмилалии Олмон (GIZ) ва инчунин бурсияҳои давлатӣ амалӣ мешавад.
«Аз ҷумла, дар ин давра барои 25 нафар омӯзгорон ва кормандони донишгоҳ имконият фароҳам оварда шуд, ки дар семинар-тренинг, форумҳо ва конфронсҳо иштирок намуда, такмили маҳорати касбӣ ва савияи тадқиқоти илмии худро сайқал диҳанд», -гуфт ректори донишгоҳ.
АКС: АМИТ «Ховар»
ПАЙВАНДИ ИЛМ БО ИСТЕҲСОЛОТ. Донишгоҳи давлатии тиҷорати Тоҷикистон аз қисмати назариявии корҳои илмӣ ба қисмати амалӣ мегузарад
Мактаби зимистона оид ба коҳиши хатари офатҳои табиӣ ва мутобиқшавӣ ба тағйирёбии иқлим ифтитоҳ шуд
НИШАСТИ МАТБУОТӢ. Дар Донишгоҳи техникии Тоҷикистон қариб 700 шаҳрванди хориҷӣ таҳсил менамояд
НИШАСТИ МАТБУОТӢ. Дар 53 ихтисоси Донишгоҳи аграрии Тоҷикистон барномаҳои таълимии нави намунавӣ таҳия шудаанд
НИШАСТИ МАТБУОТӢ. Донишгоҳи давлатии тиҷорати Тоҷикистон бо 11 муассисаи таҳсилоти олии касбии хориҷи мамлакат шартномаи ҳамкорӣ дорад
НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
Дар Маркази таълимии касбомӯзии Донишгоҳи давлатии омӯзгорӣ 100 нафар ба таълим фаро гирифта шуд
НИШАСТИ МАТБУОТӢ. Донишгоҳи давлатии омӯзгории Тоҷикистон мутахассисони баландихтисосу забондон омода менамояд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
Дар Донишгоҳи технологии Тоҷикистон «Стратегияи муқовимат ба терроризм ва экстремизм дар Ҷумҳурии Тоҷикистон» баррасӣ гардид
БАРДОШТ АЗ ПАЁМ. Дар шаҳри Панҷакент 4 бинои нави мактаб ва 1 кӯдакистон сохта мешавад
