Имсол Тоҷикистонро дар ҷашнвораи 14-уми байналмилалии хайриявӣ дар Москва хонандаи синфи 10-ум муаррифӣ менамояд
ДУШАНБЕ, 14.08.2023. /АМИТ «Ховар»/. Дар натиҷаи марҳилаҳои интихобӣ дар Русия ва ҳашт давлати Иттиҳоди Давлатҳои Мустақил иштироккунандагони ҷашнвораи 14-уми байналмилалии хайриявӣ муайян гардиданд, ки дар байни онҳо хонандаи синфи 10 литсейи филиали Донишгоҳи давлатии Москва ба номи М.В. Ломоносов дар шаҳри Душанбе Нилуфар Азизоваи 16-сола низ мебошад. Дар ин хусус АМИТ «Ховар» хабар медиҳад.
Дар даври интихобӣ Нилуфар Азизова таронаи «Вақте ки ту бовар мекунӣ»-ро («When You Believe») пешниҳод намуд. Ба гуфтаи созмондиҳандагон, ҳунари ӯ аз ҷониби муассис ва илҳомбахши лоиҳа, Ҳунарпешаи мардумии Русия Диана Гуртская баҳои баланд гирифт.
Бояд гуфт, ки 10 октябр дар Москва гала- консерти фестивали «Асои сафед» барпо мегардад. Дар он ситораҳои эстрадаи Русия дар як саҳна бо кӯдакону наврасони биноиашон суст ҳунарнамоӣ менамоянд.
Ёдовар мешавем, ки соли гузашта як иштироккунанда аз Тоҷикистон Алим Музофирови 9-сола бо Денис Майданов дуэт хонда буд. Нилуфар кадом таронаро ва бо кадоме аз ситораҳо месарояд, аз натиҷааш дертар маълумот медиҳем.
АКС аз манбаъҳои боз
«ЯК МАТОВУ САД РАНГ». Фестивал-озмун имкон медиҳад, ки арзишҳои фарҳанги миллӣ ҳифз ва тарғиб карда шаванд
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
