Муштзанони тоҷик ба даври нимниҳоии Бозиҳои варзишӣ дар Беларус роҳхат гирифтанд
ДУШАНБЕ, 08.08.2023 /АМИТ «Ховар»/. Панҷ муштзани тоҷик ба даври нимниҳоии Бозиҳои II кишварҳои Иттиҳоди Давлатҳои Мустақил роҳхат гирифтанд, хабар медиҳанд мухбирони АМИТ «Ховар» аз Минск.
Муштзанони тоҷик Меҳроҷ Суфиҷонов (дар вазни 48 килограмм), Анушервон Фозилов (51 килограмм), Бузургмеҳр Исканов (54 килограмм), Акмалҷон Абдувалиев (86 килограмм) ва Ҳангома Исоева (57 килограмм) дар шаҳри Оршаи Беларус натиҷаҳои хуб нишон дода, ба даври нимниҳоӣ роҳ ёфтанд.
Тавре Анушервон Фозилови 17-сола дар суҳбат гуфт, дар тӯли 5 соли фаъолияти варзишӣ ба ӯ муяссар гардид, ки ба комёбиҳои назаррас ноил шавад. Варзишгари ҷавон чемпиони чандинкаратаи мусобиқаҳои байналмилалӣ дар Қазоқистон, Русия, Озарбойҷон, Урдун ва Дубай буда, таҳти роҳбарии мураббиён Мустафо Фозилов ва Акмал Абдуллоев тамрин менамояд.
«Ман хеле шод ҳастам, ки дар ин мусобиқаи муҳими варзишӣ иштирок мекунам ва ба даври нимниҳоӣ роҳ ёфтам. Ман аз ин Бозиҳо танҳо пирӯзӣ интизорам, зеро ман хеле зиёд тамрин намудаам ва аз ҷиҳати равонӣ низ омода мебошам. Мехоҳам, ки бо ба даст овардани ғалаба дар ин мусобиқаҳо Суруди Тоҷикистон садо дода, Парчами давлатиамон барафрохта шавад», — гуфт варзишгари ҷавон.
Имрӯз Рустам Ашӯров (67 кг), Нурланбек Эрматов (75) ва Руслан Федорин (86) барои ба даст овардани роҳхат ба даври нимниҳоӣ бо варзишгарон аз Озарбойҷон, Русия ва Қазоқистон қувва меозмоянд.
Лайло ТОИРӢ,
Елена БАТЕНКОВА,
АМИТ «Ховар»
АКС: АМИТ «Ховар»
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
Донишҷӯи тоҷик дар мусобиқаи варзишӣ дар Донишгоҳи Кувайт сазовори ҷойи якум гардид
ҶОМИ ОСИЁ-2027. Дастаи мунтахаби Тоҷикистон дар бозӣ бо Тимори Шарқӣ бо либосҳои сафед ба майдон мебарояд
