НИШАСТИ МАТБУОТӢ. 2 миллиону 500 ҳазор сомонӣ грантҳои президентӣ ба дастгирии занон ва беҳтар намудани сатҳи иқтисодии оилаҳо равона гардидаанд
ДУШАНБЕ, 13.08.2023. /АМИТ «Ховар»/. Стратегияи миллии фаъолгардонии нақши занон дар ҷомеа барои солҳои 2021-2030 ва нақшаи амали он барои солҳои 2021-2025 ба имзо расонида шуд. Яке аз самтҳои ин стратегия соҳибкории занон мебошад. Маҳз бо дастгириҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ҳанӯз аз соли 2006 грантҳои президентӣ татбиқ мегарданд, ки ба фаъолияти хуби занон равона гардидаанд. Агар соли 2006 маблағи ин грантҳо 150 000 сомонӣ буд, имрӯзҳо он 2 миллиону 500 ҳазор сомониро ташкил медиҳад. Дар ин хусус 9 август Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода зимни нишасти матбуотӣ ба хабарнигорон иттилоъ дод.
Мақсади асосии грантҳо, пеш аз ҳама, бо ҷойи кор таъмин намудани занону духтарон, ҳамзамон зиёд намудани ҳаҷми истеҳсоли маҳсулоти дастӣ, махсусан коргоҳҳои дӯзандагӣ, ҳунармандӣ ва инчунин беҳтар намудани сатҳи иқтисодии оилаҳо мебошад.
Ин грантҳо бештар дар самти дӯзандагӣ, парандапарварӣ, ҳунармандӣ, адрасу атласбофӣ истифода мешаванд.
Гуфта шуд, ки соли 2023 грантҳои Президенти Ҷумҳурии Тоҷикистон ҷамъбаст шуданд. Имсол 80 нафар занону духтарони шаҳру ноҳияҳои мамлакат аз дастгирии навбатии Пешвои миллат муҳтарам Эмомалӣ Раҳмон ҷиҳати рушди фаъолияти соҳибкорӣ ва ҳунарҳои мардумӣ бархӯрдор гардида, бо Дипломи Кумитаи кор бо занон ва оилаи назди Ҳукумати Ҷумҳурии Тоҷикистон ҳамчун ғолиби озмуни гранти президентӣ дар соли 2023 сарфароз гардонида шуданд.
«Имсол 13 нафар занону духтароне, ки аз оилаҳои осебпазир буданд, соҳиби грантҳои президентӣ шуданд»,- гуфт Раиси Кумита.
Тазаккур дода шуд, ки мақсади асосии грантҳо, пеш аз ҳама, бо ҷойи кор таъмин намудани занон, ҳамзамон зиёд намудани ҳаҷми истеҳсоли маҳсулоти дастӣ, махсусан коргоҳҳои дӯзандагӣ, ҳунармандӣ ва беҳтар намудани сатҳи иқтисодии оилаҳо мебошад.
София ШОИК,
АМИТ «Ховар»
АКС: АМИТ «Ховар»
Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
