НИШАСТИ МАТБУОТӢ. 65 хатмкунандаи Академияи идоракунии давлатӣ соҳиби дипломи аъло гардид
ДУШАНБЕ, 15.08.2023 /АМИТ «Ховар»/. Дар соли таҳсили 2023 Академияи идоракунии давлатии назди Президенти Ҷумҳурии Тоҷикистонро 1257 нафар хатм намуда, аз ин теъдод 65 нафар соҳиби дипломи аъло гардиданд. Дар ин хусус имрӯз зимни нишасти матбуотӣ Ректори Академия Абдухалил Ғафурзода баён дошт.
Абдухалил Ғафурзода иброз дошт, ки аз 4 ҳазору 864 донишҷӯ ва магистрант 979 нафар тариқи ройгон ва 3885 нафар тариқи пулакӣ таҳсил менамоянд.
Дар айни замон дар Академия 15 ихтисос дар зинаи докторантураи PhD ва 10 ихтисос дар зинаи докторантураи анъанавӣ амал менамоянд, ки ҳоло 38 нафар докторант ва 236 унвонҷӯ ба фаъолияти илмӣ -таҳқиқотӣ машғул мебошанд.
Дар шашмоҳаи аввали соли 2023 188 нафар омӯзгорону профессорони Академия дар чорабиниҳои сатҳи гуногун, аз ҷумла конференсияҳои академиявӣ, ҷумҳуриявӣ, байналмилалӣ, ҳамоишу машваратҳои илмӣ иштирок намуда, маъруза намуданд.
Гуфта шуд, ки ҳадафи асосии раёсати Академия- ин фаъолияти бомаром ба мақсади баланд бардоштани сатҳи касбият, истифодаи барномаҳои муосири таълимӣ, шаклу усулҳои ташкили раванди таълим ба рушди сармояи касбӣ, инчунин эҷодиёти коммуникативӣ ва омодагии мутахассисони оянда ба муоширати пурраи касбӣ бо забонҳои хориҷӣ дар соҳаи сиёсӣ ва хизмати давлатӣ мебошад.
Раъно НУСРАТУЛЛО,
АМИТ «Ховар»
АКС: АМИТ «Ховар»
НИЗОМИ ТАҲСИЛИ 12-СОЛА. Онро зиёда аз 150 давлати дунё эътироф намудаанд
Доир ба тавзеҳи Паёми Президенти Тоҷикистон ба Маҷлиси Олӣ ва тарбияи ватандӯстии шаҳрвандон ҳамоиш баргузор шуд
Дар Душанбе оид ба зарурати фароҳам овардани шароит барои омӯзиши забонҳои хориҷӣ созишномаи ҳамкорӣ ба имзо расид
ПЕШВОИ МИЛЛАТ — БУНЁДГУЗОРИ МАОРИФИ МИЛЛӢ
БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Хонандагони тоҷик дар олимпиадаи байналмилалӣ соҳиби 7 медал шуданд
Маоши вазифавии кормандони муассисаҳои томактабӣ ва таҳсилоти миёнаи умумӣ 25 фоиз зиёд мегардад
Ғолибони олимпиадаҳои ҷумҳуриявӣ, байналмилалӣ ва омӯзгорони пешсафи ҳаракати олимпӣ ҳавасманд гардонида шуданд
Барои баланд бардоштани маҳорати касбии омӯзгорон дар Тоҷикистон чӣ тадбирҳо андешида мешаванд?
Доир ба нақши Паёми Президенти Тоҷикистон дар рушди низоми қонунгузорӣ ҳамоиши илмӣ баргузор шуд
Соли 2026 дар Тоҷикистон ба истифода додани зиёда аз 200 бинои муассисаи таълимӣ ва бинои иловагӣ дар назар аст
Барои Озмуни ҷумҳуриявии «Фурӯғи субҳи доноӣ китоб аст» зиёда аз 8 миллион сомонӣ ҷудо карда мешавад
ЗАБОН ДОНӢ-ҶАҲОН ДОНӢ. Дар Тоҷикистон барои омӯзиши забони англисӣ чӣ тадбирҳо андешида мешаванд?
